ഇന്ത്യൻ ഓയിൽ കോർപറേഷനിൽ: 417 ഒഴിവ്

380 അപ്രന്റിസ്

ഇന്ത്യൻ ഓയിൽ കോർപറേഷൻ ലിമിറ്റഡിന്റെ വെസ്റ്റേൺ, നോർത്തേൺ, ഈസ്റ്റേൺ, സതേൺ, സൗത്ത് ഈസ്റ്റേൺ റീജനുകൾ ഉൾപ്പെടുന്ന പൈപ്പ് ലൈൻ ഡിവിഷനിൽ ടെക്നിക്കൽ/ നോൺ ടെക്നിക്കൽ ട്രേഡ് അപ്രന്റിസ് ആകാം. 

ഗുജറാത്ത്, രാജസ്ഥാൻ, വെസ്റ്റ്ബംഗാൾ, ബിഹാർ, അസം, ഉത്തർപ്രദേശ്, ഒഡിഷ, ഛത്തീസ്ഗഡ്, ജാർഖണ്ഡ്, ഹരിയാന, പഞ്ചാബ്, ഡൽഹി, ഉത്തരാഖണ്ഡ്, തമിഴ്നാട്, കർണാടക, ആന്ധ്രപ്രദേശ് എന്നിവിടങ്ങളിലായി 380 ഒഴിവുകളാണുള്ളത്. നവംബർ 22 വരെ ഓൺലൈനായി അപേക്ഷിക്കാം. 

തസ്തികയും യോഗ്യതയും ചുവടെ

ടെക്നീഷ്യൻ അപ്രന്റിസ് (മെക്കാനിക്കൽ): മെക്കാനിക്കൽ/ ഓട്ടമൊബീൽ  എൻജിനീയറിങ്ങിൽ ഫുൾടൈം ത്രിവത്സര ഡിപ്ലോമ.

ടെക്നീഷ്യൻ അപ്രന്റിസ് (ഇലക്ട്രിക്കൽ): ഇലക്ട്രിക്കൽ/ ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്ങിൽ ഫുൾടൈം ത്രിവത്സര ഡിപ്ലോമ. 

ടെക്നീഷ്യൻ അപ്രന്റിസ് (ടെലികമ്യൂണിക്കേഷൻ ആൻഡ് ഇൻസ്ട്രുമെന്റേഷൻ): ഇലക്ട്രോണിക്സ് ആൻഡ് കമ്യൂണിക്കേഷൻ/ ഇലക്ട്രോണിക്സ് ആൻഡ്  ടെലികമ്യൂണിക്കേഷൻ/ ഇലക്ട്രോണിക്സ് ആൻഡ്  റേഡിയോ കമ്യൂണിക്കേഷൻ/ ഇൻസ്ട്രുമെന്റേഷൻ ആൻഡ് കൺട്രോൾ/ ഇൻസ്ട്രുമെന്റേഷൻ ആൻഡ് പ്രോസസ് കൺട്രോൾ/ ഇലക്ട്രോണിക്സ് എൻജിനീയറിങ്ങിൽ ഫുൾടൈം ത്രിവത്സര ഡിപ്ലോമ. 

ട്രേഡ് അപ്രന്റിസ് (അസിസ്റ്റന്റ്– ഹ്യുമൻ റിസോഴ്സ്): ബിരുദം. 

ട്രേഡ് അപ്രന്റിസ് (അക്കൗണ്ടന്റ്): കൊമേഴ്സ് ബിരുദം.

ഡേറ്റാ എൻട്രി ഓപ്പറേറ്റർ (ഫ്രഷർ അപ്രന്റിസ്): പ്ലസ്ടു ജയം.

ഡൊമസ്റ്റിക് ഡേറ്റാ എൻട്രി ഓപ്പറേറ്റർ (സ്കിൽ സർട്ടിഫിക്കറ്റ് ഹോൾഡർ): പ്ലസ്ടു ജയം. ഡൊമസ്റ്റിക് ഡേറ്റാ എൻട്രി ഓപ്പറേറ്റർ സ്കിൽ സർട്ടിഫിക്കറ്റ്.

ഒരു വർഷത്തെ ഐടിഐ പഠനത്തിനു ശേഷം ലാട്രൽ എൻട്രി വഴി പ്രവേശനം/ പ്ലസ്ടുവിനു ശേഷം യോഗ്യത നേടിയവർക്കും അപേക്ഷിക്കാം. ഉദ്യോഗാർഥികൾക്ക് യോഗ്യതാ പരീക്ഷയിൽ കുറഞ്ഞത് മൊത്തം 50% മാർക്കു നേടിയിരിക്കണം (എസ്‌സി/ എസ്ടി/ ഭിന്നശേഷിക്കാർക്ക് 45% മതി).

പ്രായം (31.10.2019 ന്): 18–24 വയസ്. അർഹരായവർക്ക് ഉയർന്ന പ്രായപരിധിയിൽ ഇളവുണ്ട്.

തിരഞ്ഞെടുപ്പ് : എഴുത്തുപരീക്ഷ, വൈദ്യപരിശോധന മുഖേനയാണ് തിരഞ്ഞെടുപ്പ്. 

വിശദവിവരങ്ങൾക്ക്: www.iocl.com

37 എൻജിനീയറിങ്/ ടെക്നിക്കൽ അസിസ്‌റ്റന്റ്

ഇന്ത്യൻ ഓയിൽ കോർപറേഷന്റെ ഹരിയാനയിലെ പാനിപത് റിഫൈനറിയിൽ ജൂനിയർ എൻജിനീയറിങ് അസിസ്‌റ്റന്റ്, ജൂനിയർ ടെക്നിക്കൽ അസിസ്‌റ്റന്റ് തസ്തികയിലായി 37 ഒഴിവ്.   നവംബർ 29 വരെ ഓൺലൈനായി അപേക്ഷിക്കാം. 

വിശദവിവരങ്ങൾക്ക്: www.iocl.com

English Summary: Indian Oil Corporation Limited Recruitment