വ്യോമസേനയിൽ 249 ഓഫിസർ, ശമ്പളം: 56,100 – 1,10700 രൂപ

വ്യോമസേനയുടെ ഫ്ലൈയിങ് ബ്രാഞ്ചിലെ ഷോർട്ട് സർവീസ് കമ്മിഷൻ കോഴ്സിലേക്കും ഗ്രൗണ്ട് ഡ്യൂട്ടി ബ്രാഞ്ചിലെ (ടെക്നിക്കൽ ആൻഡ് നോൺ ടെക്നിക്കൽ) പെർമനന്റ് കമ്മിഷൻ/ ഷോർട്ട് സർവീസ് കമ്മിഷൻ കോഴ്സിലേക്കും ഉടൻ വിജ്ഞാപനമാകും. 249 ഒഴിവുകളുണ്ട്. എഎഫ്സിഎടി (01/ 2020) മുഖേനയാണു തിരഞ്ഞെടുപ്പ്. ഇതിനു പുറമേ എൻസിസി സ്പെഷൽ എൻട്രിയിലേക്കും അപേക്ഷ ക്ഷണിച്ചിട്ടുണ്ട്. സ്ത്രീകൾക്കും അപേക്ഷിക്കാം. 2021 ജനുവരിയിൽ കോഴ്സുകൾ ആരംഭിക്കും. 25 വയസിൽ താഴെയുള്ള അപേക്ഷകർ അവിവാഹിതരായിരിക്കണം. ഡിസംബർ 30 വരെ ഒാൺലൈനായി അപേക്ഷിക്കാം. 

പ്രായം:

ഫ്ലൈയിങ് ബ്രാഞ്ച് (01.01.2021ന്): 20–24 വയസ്. 1997 ജനുവരി രണ്ടിനും 2001 ജനുവരി ഒന്നിനും മധ്യേ ജനിച്ചവരായിരിക്കണം. (രണ്ടു തീയതികളും ഉൾപ്പെടെ)

ഗ്രൗണ്ട് ഡ്യൂട്ടി (ടെക്നിക്കൽ/ നോൺ ടെക്നിക്കൽ ബ്രാഞ്ച്) (01.01.2021ന്): 20–26 വയസ്. 1995 ജനുവരി രണ്ടിനും 2001 ജനുവരി ഒന്നിനും മധ്യേ ജനിച്ചവരായിരിക്കണം. (രണ്ടു തീയതികളും ഉൾപ്പെടെ)

പരിശീലനം: 2021 ജനുവരിയിൽ പരിശീലനം ആരംഭിക്കും. ഫ്‌ളൈയിങ്, ഗ്രൗണ്ട് ഡ്യൂട്ടി ടെക്‌നിക്കൽ ബ്രാഞ്ചിന് 74 ആഴ്‌ചയും ഗ്രൗണ്ട് ഡ്യൂട്ടി നോൺ ടെക്നിക്കൽ ബ്രാഞ്ചിന് 52 ആഴ്‌ചയുമാണു പരിശീലനം.

ശമ്പളം (ഫ്ലൈയിങ് ഓഫിസർ): 56,100 – 1,10700 രൂപ. അലവൻസുകൾ പുറമേ. പരിശീലന സമയത്തു ഫ്ലൈറ്റ് കേഡറ്റുകൾക്ക് 56,100 രൂപ സ്റ്റൈപ്പൻഡ് ലഭിക്കും.

പരീക്ഷാഫീസ്: 250 രൂപ. എൻസിസി സ്പെഷൽ എൻട്രിയിലേക്ക് ഫീസില്ല.

അപേക്ഷിക്കേണ്ട വിധം: www.careerindianairforce.cdac.in, www.afcat.cdac.in  എന്നീ വെബ്‌സൈറ്റുകളിൽ വിജ്ഞാപനം പ്രസിദ്ധീകരിക്കും. ഒൗദ്യോഗിക വിജ്ഞാപനം പ്രസിദ്ധീകരിച്ചതിനു ശേഷം മാത്രം അപേക്ഷിക്കുക. യോഗ്യതയുൾപ്പെടെയുള്ള വിശദവിവരങ്ങൾക്ക് വിജ്ഞാപനം കാണുക.