കോൾ ഇന്ത്യയിൽ മാനേജ്‌മെന്റ് ട്രെയിനി, 1326 ഒഴിവ്

മഹാരത്ന പദവിയുള്ള  പൊതുമേഖലാ സ്‌ഥാപനമായ  കോൾ ഇന്ത്യ ലിമിറ്റഡിൽ വിവിധ വിഭാഗങ്ങളിലായി  മാനേജ്‌മെന്റ് ട്രെയിനിയുടെ 1326 ഒഴിവുകളുണ്ട്.  ജനുവരി 19 വരെ ഓൺലൈനായി അപേക്ഷിക്കാം

പരസ്യ നമ്പർ: 01/ 2019

വിഭാഗങ്ങളും യോഗ്യതയും ചുവടെ.

മൈനിങ്, മെക്കാനിക്കല്‍, ഇലക്ട്രിക്കൽ, സിവിൽ: കുറഞ്ഞത് 60 % മാർക്കോടെ ബന്ധപ്പെട്ട എൻജിനിയറിങ് വിഭാഗത്തിൽ ബിഇ/ ബിടെക്/ ബിഎസ്‌സി (എൻജിനിയറിങ് ).

കോൾ പ്രിപ്പറേഷൻ: കുറഞ്ഞത് 60 % മാർക്കോടെ കെമിക്കൽ/ മിനറൽ എൻജിനീയറിങ്ങിൽ ബിഇ/ ബിടെക്/ ബിഎസ്‌സി (എൻജിനിയറിങ് ).

സിസ്‌റ്റംസ്: കുറഞ്ഞതു 60 % മാർക്കോടെ കംപ്യൂട്ടർ സയൻസ്/ കംപ്യൂട്ടർ എൻജിനിയറിങ്/ െഎടിയിൽ ബിഇ/ ബിടെക്/ ബിഎസ്‌സി (എൻജിനിയറിങ്)/ എംസിഎ.

മെറ്റീരിയൽസ് മാനേജ്‌മെന്റ്: ഇലക്‌ട്രിക്കൽ/ മെക്കാനിക്കൽ എൻജിനീയറിങ് ബിരുദം, ഫുൾടൈം ദ്വിവൽസര എംബിഎ/ മാനേജ്‌മെന്റിൽ പിജി ഡിപ്ലോമ (കുറഞ്ഞത് 60 % മാർക്ക്).ഫിനാൻസ് ആൻഡ് അക്കൗണ്ട്സ്: സിഎ/ ഐസിഡബ്ല്യുഎ.

പഴ്‌സനേൽ ആൻഡ് എച്ച്ആർ: ബിരുദം, എച്ച്‌ആർ/ ഇൻഡസ്‌ട്രിയൽ  റിലേഷൻസ്/ പഴ്‌സേനൽ മാനേജ്‌മെന്റ് സ്‌പെഷ‌ലൈസേഷനോടെ  മാനേജ്‌മെന്റിൽ കുറഞ്ഞതു രണ്ടു വർഷത്തെ ഫുൾടൈം പിജി ബിരുദം/ പിജി ഡിപ്ലോമ/ പിജി പ്രോഗ്രാം അല്ലെങ്കിൽ എംഎച്ച്‌ആർഒഡി അല്ലെങ്കിൽ എംബിഎ അല്ലെങ്കിൽ എച്ച്‌ആർ (മേജർ) സ്‌പെഷലൈസേഷനോടെ എംഎസ്‌ഡബ്ല്യു (കുറഞ്ഞത് 60 % മാർക്ക്).

മാർക്കറ്റിങ് ആൻഡ് സെയിൽസ്: ബിരുദം, മാർക്കറ്റിങ് (മേജർ) സ്‌പെഷലൈസേഷനോടെ ഫുൾടൈം ദ്വിവൽസര എംബിഎ/ മാനേജ്‌മെന്റിൽ പിജി ഡിപ്ലോമ (കുറഞ്ഞത് 60 % മാർക്ക്).

കമ്യൂണിറ്റി ഡവലപ്മെന്റ്: കുറഞ്ഞതു 60 % മാർക്കോടെ കമ്യൂണിറ്റി ഡവലപ്മെന്റ്/ റൂറൽ ഡവലപ്‌മെന്റ്/ കമ്യൂണിറ്റി ഓർഗനൈസേഷൻ ആൻഡ് ഡവലപ്മെന്റ് പ്രാക്‌ടീസ്/ അർബൻ ആൻഡ് റൂറൽ കമ്യൂണിറ്റി ഡവലപ്മെന്റ്/ റൂറൽ ആൻഡ് ട്രൈബൽ ഡവലപ്‌മെന്റ്/ ഡവലപ്മെന്റ് മാനേജ്‌മെന്റ്/ റൂറൽ മാനേജ്മെന്റിൽ രണ്ടു വർഷത്തെ ഫുൾടൈം പിജി/ പിജി ഡിപ്ലോമ. അല്ലെങ്കിൽ കുറഞ്ഞതു 60 % മാർക്കോടെ കമ്യൂണിറ്റി ഡവലപ്മെന്റ്/ റൂറൽ ഡവലപ്മെന്റ്/ കമ്യൂണിറ്റി ഓർഗനൈസേഷൻ ആൻഡ് ഡവലപ്മെന്റ് പ്രാക്‌ടീസ്/ അർബൻ ആൻഡ് റൂറൽ കമ്യൂണിറ്റി ഡവലപ്മെന്റ്/ റൂറൽ ആൻഡ് ട്രൈബൽ ഡവലപ്മെന്റ്/ ഡവലപ്‌മെന്റ് മാനേജ്‌മെന്റ് സ്‌പെഷലൈസേഷനോടു കൂടി സോഷ്യൽ വർക്കിൽ രണ്ടു വർഷത്തെ ഫുൾടൈം പിജി. 

ഉയർന്ന പ്രായം (01.04.2020 ന്): 30 വയസ്. അർഹരായവർക്കു പ്രായപരിധിയിൽ ഇളവുണ്ട്.

വിവരങ്ങൾക്ക്: www.coalindia.in