എസ്ബിഐയിൽ 106 ഒഴിവ്
Mail This Article
സ്റ്റേറ്റ് ബാങ്ക് ഓഫ് ഇന്ത്യ ഓഫിസർ, ക്ലറിക്കൽ കേഡറുകളിലെ വിവിധ തസ്തികകളിലേക്ക് അപേക്ഷ ക്ഷണിച്ചു. 106 ഒഴിവുകൾ. കരാർ, റഗുലർ നിയമനമാണ്. ഓൺലൈനിൽ അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി ഫെബ്രുവരി 12.
ഓഫിസർ വിഭാഗത്തിൽ എച്ച്ആർ സ്പെഷലിസ്റ്റ് (റിക്രൂട്മെന്റ്) – ഒരൊഴിവ്, മാനേജർ (ഡേറ്റാ സയന്റിസ്റ്റ്) – 10 ഒഴിവ്, ഡപ്യൂട്ടി മാനേജർ (ഡേറ്റാ സയന്റിസ്റ്റ്) – 10 ഒഴിവ്, ഡപ്യൂട്ടി മാനേജർ (സിസ്റ്റം ഓഫിസർ) – 5 ഒഴിവ്, ഡപ്യൂട്ടി മാനേജർ (ലോ) – 45 ഒഴിവ് എന്നീ തസ്തികകളിൽ റഗുലർ നിയമനത്തിനും
ഡിഫൻസ് ബാങ്കിങ് അഡ്വൈസർ (നേവി ആൻഡ് എയർഫോഴ്സ്) – 2 ഒഴിവ്, സർക്കിൾ ഡിഫൻസ് ബാങ്കിങ് അഡ്വൈസർ – 2 ഒഴിവ്, സീനിയർ സ്പെഷൽ എക്സിക്യൂട്ടീവ്– ഒരൊഴിവ്, സീനിയർ എക്സിക്യൂട്ടീവ് (സ്റ്റാറ്റിസ്റ്റിക്സ്) – ഒരൊഴിവ് എന്നീ തസ്തികകളിൽ കരാർ നിയമനത്തിനും അപേക്ഷിക്കാം. ക്ലറിക്കൽ വിഭാഗത്തിലെ ആർമറർ തസ്തികയിൽ 29 ഒഴിവുകളുണ്ട്. റഗുലർ നിയമനമാണ്. വിമുക്തഭടൻമാർക്കാണ് അവസരം.
അപേക്ഷിക്കേണ്ട വിധം: www.bank.sbi, www.sbi.co.in എന്നീ വെബ്സൈറ്റുകളിലൂടെ ഓൺലൈൻ അപേക്ഷ സമർപ്പിക്കാം. വിശദവിവരങ്ങൾ വെബ്സൈറ്റിൽ ലഭിക്കും.