sections
MORE

ഡിപ്ലോമക്കാരെ തേടി കോസ്റ്റ് ഗാർഡ്, ശമ്പളം: 29,200 രൂപ

coast-guard-ship
SHARE

ഡിപ്ലോമക്കാർക്ക് ഇന്ത്യൻ കോസ്‌റ്റ് ഗാർഡിൽ യാന്ത്രിക് ആകാം. മെക്കാനിക്കൽ/ ഇലക്‌ട്രിക്കൽ/ ഇലക്‌ട്രോണിക്സ് ആൻഡ് ടെലികമ്യൂണിക്കേഷൻ വിഭാഗങ്ങളിലായി 37 ഒഴിവുകളുണ്ട്. 

പുരുഷൻമാർക്കാണ് അവസരം. 

മാർച്ച്  16 മുതൽ 22 വരെ ഓൺലൈനായി അപേക്ഷിക്കാം.

2/2020 ബാച്ചിലേക്കാണു തിരഞ്ഞെടുപ്പ്. ഏപ്രിലിൽ എഴുത്തുപരീക്ഷ നടത്തും. ഓഗസ്റ്റിൽ പരിശീലനം ആരംഭിക്കും. 

യോഗ്യത: മെട്രിക്കുലേഷൻ/ തത്തുല്യം. കുറഞ്ഞതു മൊത്തം 60 % മാർക്കോടെ  ഇലക്‌ട്രിക്കൽ/ മെക്കാനിക്കൽ/ ഇലക്‌ട്രോണിക്സ് ആൻഡ് ടെലികമ്യൂണിക്കേഷൻ (റേഡിയോ/ പവർ) എൻജിനീയറിങ് ഡിപ്ലോമ ജയിച്ചിരിക്കണം. പട്ടികവിഭാഗക്കാർക്കും ദേശീയ തലത്തിൽ നേട്ടമുണ്ടാക്കിയ കായികതാരങ്ങൾക്കും മാർക്കിൽ 5 % ഇളവുണ്ട്.

പ്രായം: 18–22. 1998 ഓഗസ്റ്റ് ഒന്നിനും 2002 ജൂലൈ 31നും മധ്യേ ജനിച്ചവർ (രണ്ടു തീയതികളും ഉൾപ്പെടെ) അർഹരായവർക്ക് ഉയർന്ന പ്രായപരിധിയിൽ ഇളവുണ്ട്.

അടിസ്ഥാന ശമ്പളം: 29200 രൂപ. മറ്റാനുകൂല്യങ്ങളും ലഭിക്കും.

ശാരീരികയോഗ്യത: ഉയരം കുറഞ്ഞത് 157 സെ.മീ., നെഞ്ചളവ് ആനുപാതികം, കുറഞ്ഞത് അഞ്ചു സെമീ വികാസം വേണം. തൂക്കം ഉയരത്തിനും പ്രായത്തിനും ആനുപാതികം. 

തിരഞ്ഞെടുപ്പ്: എഴുത്തുപരീക്ഷ, കായികക്ഷമതാ പരീക്ഷ എന്നിവയുടെ അടിസ്‌ഥാനത്തിലാണു തിരഞ്ഞെടുപ്പ്. മെഡിക്കൽ പരിശോധനയുമുണ്ടാകും.  മുംബൈ, ചെന്നൈ, കൊൽക്കത്ത, നോയിഡ എന്നിവിടങ്ങളിലാണ്  പരീക്ഷാകേന്ദ്രങ്ങൾ. 

അപേക്ഷിക്കേണ്ട വിധം: www.joinindiancoastguard.gov.in എന്ന വെബ്‌സൈറ്റ് മുഖേന അപേക്ഷിക്കണം.  വിശദവിവരങ്ങൾ വെബ്സൈറ്റിൽ.

"നിങ്ങൾ കേരള അഡ്മിനിസ്ട്രേറ്റീവ് സർവീസ് പരീക്ഷയ്ക്ക് ഒരുങ്ങുകയാണോ? ഓൺലൈൻ പരീക്ഷാ പരിശീലനവും പ്രിന്റഡ് സ്റ്റഡി മെറ്റീരിയൽസും." സന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN JOBS & CAREER
SHOW MORE
FROM ONMANORAMA