ADVERTISEMENT

കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന് കീഴിലുള്ള നാഷനൽ ഇൻസ്റ്റിറ്റ്യൂട്ട് ഒാഫ് ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജിയിൽ (NIELIT) അവസരം. സയന്റിസ്റ്റ്, സയന്റിഫിക്/ ടെക്നിക്കൽ അസിസ്റ്റന്റ് തസ്തികകളിലായി 495 ഒഴിവുകളാണുള്ളത്. നാഷനൽ ഇൻഫർമാറ്റിക്സ് സെന്ററിലാണ് അവസരം. ഏപ്രിൽ 10 വരെ ഒാൺലൈനായി അപേക്ഷിക്കാം. 

തസ്തിക, യോഗ്യത, ശമ്പളം എന്നിവ ചുവടെ.

സയന്റിസ്റ്റ് ബി (288 ഒഴിവ്): എൻജിനീയറിങ്/ ടെക്നോളജി ബിരുദ ജയം അല്ലെങ്കിൽ ഡിപാർട്ട്മെന്റ് ഒാഫ് ഇലക്ട്രോണിക്സ് ആൻഡ് അക്രഡിറ്റേഷൻ ഒാഫ് കംപ്യൂട്ടർ കോഴ്സ് ബി- ലെവൽ അല്ലെങ്കിൽ ഇൻസ്റ്റിറ്റ്യൂട്ട് ഒാഫ് എൻജിനീയേഴ്സ്/ ഗ്രാജുവേറ്റ് ഇൻസ്റ്റിറ്റ്യൂട്ട് ഒാഫ് ഇലക്ട്രോണിക്സ് ആൻഡ് ടെലികമ്യൂണിക്കേഷൻ എൻജിനീയേഴ്സ്  അസോഷ്യേറ്റ് മെംബർ അല്ലെങ്കിൽ എംഎസ്‌സി അല്ലെങ്കിൽ എംസിഎ  അല്ലെങ്കിൽ എംഇ/ എംടെക് അല്ലെങ്കിൽ എംഫിൽ. 56,100- 1,77,500 രൂപ.  

സയന്റിഫിക്/ ടെക്നിക്കൽ അസിസ്റ്റന്റ് എ (207 ഒഴിവ്): എംഎസ്‌സി/ എംഎസ്/ എംസിഎ/ ബിഇ/ ബിടെക് ജയം. 35,400- 1,12,400 രൂപ.  

യോഗ്യത സംബന്ധിച്ച കൂടുതൽ വിവരങ്ങൾക്കു വെബ്സൈറ്റ് കാണുക.

പ്രായപരിധി (26.03.2020 ന്): 30 വയസ്. അർഹരായവർക്ക് ഉയർന്ന പ്രായത്തിൽ ഇളവ് ലഭിക്കും.

തിരഞ്ഞെടുപ്പ്: എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തിരഞ്ഞെടുപ്പ്. സംസ്ഥാനത്തു തിരുവനന്തപുരത്താണു പരീക്ഷാകേന്ദ്രം.

അപേക്ഷാഫീസ്: 800 രൂപ. ഒാൺലൈനായി ഫീസടയ്ക്കണം. പട്ടികവിഭാഗം, ഭിന്നശേഷിക്കാർ, സ്ത്രീകൾ എന്നിവർക്ക് ഫീസില്ല. 

www.nielit.gov.in

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com