NPCIL: 200 ട്രെയിനി, സ്റ്റൈപ്പൻഡ്: 55,000 രൂപ
Mail This Article
ന്യൂക്ലിയർ പവർ കോർപറേഷൻ ഒാഫ് ഇന്ത്യ ലിമിറ്റഡിൽ എക്സിക്യൂട്ടീവ് ട്രെയിനി ആകാൻ അവസരം. 200 ഒഴിവുകളുണ്ട്. മെക്കാനിക്കൽ, കെമിക്കൽ, ഇലക്ട്രിക്കൽ, ഇലക്ട്രോണിക്സ്, ഇൻസ്ട്രുമെന്റേഷൻ, സിവിൽ, ഇൻഡസ്ട്രിയൽ ആൻഡ് ഫയർ സേഫ്റ്റി വിഭാഗങ്ങളിലാണ് അവസരം. ഗേറ്റ് 2018/ 2019/ 2020 സ്കോറിന്റെ അടിസ്ഥാനത്തിൽ ഷോർട് ലിസ്റ്റ് ചെയ്യുന്നവരെ ഇന്റർവ്യൂ മുഖേന തിരഞ്ഞെടുക്കും. ഏപ്രിൽ 2 വരെ ഒാൺലൈനായി അപേക്ഷിക്കാം.
യോഗ്യത: കുറഞ്ഞത് മൊത്തം 60 % മാർക്കോടെ ബന്ധപ്പെട്ട എൻജിനീയറിങ് വിഭാഗത്തിൽ ബിഇ/ ബിടെക്/ ബിഎസ്സി (എൻജിനീയറിങ്)/ അഞ്ചു വർഷത്തെ ഇന്റഗ്രേറ്റഡ് എംടെക്. അനുബന്ധ വിഷയത്തിൽ അംഗീകൃത ഗേറ്റ് 2018/ 2019/ 2020 സ്കോർ നേടിയിരിക്കണം. നിബന്ധനകൾക്കു വിധേയമായി അവസാനവർഷ എൻജിനീയറിങ് വിദ്യാർഥികൾക്കും അപേക്ഷിക്കാം.
പ്രായപരിധി (02.04.2020 ന്): 26 വയസ്. ഒബിസിക്ക് മൂന്ന് വർഷവും പട്ടികവിഭാഗക്കാർക്ക് അഞ്ച് വർഷവും ഉയർന്ന പ്രായത്തിൽ ഇളവുണ്ട്. മറ്റർഹരായവർക്കും നിയമാനുസൃത ഇളവ്.
സ്റ്റൈപ്പൻഡ്: ഒരു വർഷത്തെ പരിശീലന കാലയളവിൽ 55,000 രൂപ സ്റ്റൈപ്പൻഡായി ലഭിക്കും. പരീശീലനം വിജയകരമായി പൂർത്തിയാക്കുന്നവർക്ക് 56,100 രൂപ ശമ്പള നിരക്കിൽ സയന്റിഫിക് ഓഫിസർ/ സി തസ്തികയിൽ നിയമനം ലഭിക്കും.
അപേക്ഷാഫീസ്: 500 രൂപ. ജനറൽ (യുആർ), ഒബിസി, ഇഡബ്ല്യുഎസ് വിഭാഗത്തിൽപ്പെട്ട പുരുഷ ഉദ്യോഗാർഥികൾ മാത്രം ഫീസടച്ചാൽ മതി.
അപേക്ഷ അയയ്ക്കുന്നതിനും മറ്റു വിശദവിവരങ്ങൾക്കും www.npcilcareers.co.in എന്ന വെബ്സൈറ്റ് കാണുക. വെബ്സൈറ്റിലെ വിവരങ്ങൾ മനസിലാക്കിയതിനുശേഷം മാത്രം അപേക്ഷിക്കുക.