സെൻട്രൽ ഗ്രൗണ്ട് വാട്ടർ ബോർഡിൽ 62 ഒഴിവ്: ശമ്പളം: 45,000– 1,00,000 രൂപ
Mail This Article
ജലശക്തി മന്ത്രാലയത്തിനു കീഴിലുള്ള സെൻട്രൽ ഗ്രൗണ്ട് വാട്ടർ ബോർഡിൽ യങ് പ്രഫഷനൽ, കൺസൽറ്റന്റ് തസ്തികകളിലായി 62 ഒഴിവുകൾ. മൂന്നു വർഷത്തെ താൽക്കാലിക നിയമനം.
നാഗ്പുർ, കൊൽക്കത്ത, പട്ന, റായ്പുർ, ഭോപ്പാൽ, ഗുവാഹത്തി, ലക്നൗ, ഭുവനേശ്വർ, ഹൈദരാബാദ്, ബെംഗളൂരു, അഹമദാബാദ്, ജയ്പുർ, ഫരീദാബാദ് എന്നിവിടങ്ങളിലെ സെൻട്രൽ ഗ്രൗണ്ട് വാട്ടർ ബോർഡിന്റെ വിവിധ ഒാഫിസുകളിലാണ് ഒഴിവ്. ഏപ്രിൽ 25 വരെ അപേക്ഷിക്കാം.
യോഗ്യത: ജിയോളജി/ അപ്ലൈഡ് ജിയോളജി/ എർത്ത് സയൻസ്/ ജിയോസയൻസ്/ ഹൈഡ്രോജിയോളജി എന്നിവയിൽ എംഎസ്സി/ എംഎസ്/ എംടെക്/ എംഎസ്സിടെക് അല്ലെങ്കിൽ തത്തുല്യം. സമാന മേഖലയിൽ 10 വർഷത്തെ പ്രവൃത്തിപരിചയം. യങ് പ്രഫഷനൽ തസ്തികയിൽ പ്രവൃത്തിപരിചയം ആവശ്യമില്ല.
പ്രായപരിധി (01.01.2020 ന്): യങ് പ്രഫഷനൽ- 30 വയസ് (01.01.1990 നോ അതിനു ശേഷമോ ജനിച്ചവരായിരിക്കണം).
കൺസൽറ്റന്റ്- 65 വയസ് (01.01.1955 നോ അതിനു ശേഷമോ ജനിച്ചവരായിരിക്കണം).
ശമ്പളം: കൺസൽറ്റന്റ്- 1,00,000 രൂപ. യങ് പ്രഫഷനൽ- 45,000 രൂപ. യോഗ്യതയ്ക്കനുസരിച്ച് 5% വർധനയുണ്ട്.
www.cgwb.gov.in
English Summary : Central Ground Water Board Recruitment