നോർത്തേൺ കോൾഫീൽഡ്സിൽ 512 ഒഴിവ്
Mail This Article
നോർത്തേൺ കോൾഫീൽഡ്സിൽ വിവിധ ട്രേഡുകളിൽ സൂപ്പർവൈസറി, ടെക്നീഷ്യൻ തസ്തികകളിൽ അവസരം. 512 ഒഴിവ്. ഒന്ന്/ രണ്ട് വർഷമാണ് പരിശീലനം. മധ്യപ്രദേശ്, ഉത്തർപ്രദേശ് എന്നിവിടങ്ങളിലാണ് അവസരം. ഒാഗസ്റ്റ് 3 മുതൽ 25 വരെ ഒാൺലൈനായി അപേക്ഷിക്കാം.
സൂപ്പർവൈസറി 79 ഒഴിവ്:–അസിസ്റ്റന്റ് ഫോർമാൻ (ഇ ആൻഡ് ടി) ട്രെയിനി: മെട്രിക്കുലേഷൻ/ തത്തുല്യ പരീക്ഷാ ജയം, ഇലക്ട്രോണിക്സ് എൻജിനീയറിങ്ങിൽ ഡിപ്ലോമ/ ഉയർന്ന യോഗ്യത (3 വർഷത്തെ കോഴ്സ്).
അസിസ്റ്റന്റ് ഫോർമാൻ (മെക്കാനിക്കൽ) (ട്രെയിനി): മെട്രിക്കുലേഷൻ/ തത്തുല്യ പരീക്ഷാ ജയം, മെക്കാനിക്കൽ എൻജിനീയറിങ്ങിൽ ഡിപ്ലോമ/ ഉയർന്ന യോഗ്യത (3 വർഷത്തെ കോഴ്സ്).
ടെക്നീഷ്യൻ 433 ഒഴിവ്:–
ഫിറ്റർ, ഇലക്ട്രീഷൻ, ടർണർ, മെഷിനിസ്റ്റ്, വെൽഡർ (ട്രെയിനി): മെട്രിക്കുലേഷൻ/ തത്തുല്യ പരീക്ഷാ ജയം, ബന്ധപ്പെട്ട ട്രേഡിൽ 2 വർഷത്തെ ഐടിഐ, ട്രേഡ് സർട്ടിഫിക്കറ്റ് (എൻസിവിടി/ എസ്സിവിടി), 1 വർഷത്തെ അപ്രന്റിസ്ഷിപ്പ് ട്രെയിനിങ് സർട്ടിഫിക്കറ്റ് (എൻസിവിടി/ എസ്സിവിടി).
പ്രായം: 18–30 വയസ്. അർഹരായവർക്ക് ഉയർന്ന പ്രായപരിധിയിൽ ഇളവു ലഭിക്കും.
അപേക്ഷാഫീസ്: 500 രൂപ.
പട്ടികവിഭാഗം, ഭിന്നശേഷിക്കാർ, വിമുക്തഭടൻ, ഡിപാർട്ട്മെന്റൽ ഉദ്യോഗാർഥികൾക്ക് ഫീസില്ല. ഒാൺലൈനായി ഫീസടയ്ക്കാം.
www.nclcil.in