BEL: 145 എൻജിനീയർ ഒഴിവ്

ഭാരത് ഇലക്‌ട്രോണിക്‌സിൽ എൻജിനീയർ തസ്തികയിൽ 145 ഒഴിവ്.  വ്യത്യസ്ത വിജ്ഞാപനങ്ങളാണ്.  ഓൺലൈൻ അപേക്ഷ സ്വീകരിക്കുന്ന അവസാന തീയതി സെപ്റ്റംബർ 27.   

37 പ്രോജക്ട് എൻജിനീയർ 

സിവിൽ (18 ഒഴിവ്), മെക്കാനിക്കൽ (8), ഇലക്ട്രിക്കൽ/ ഇഇഇ (11) വിഭാഗങ്ങളിലായി 37 പ്രോജക്ട് എൻജിനീയർ ഒഴിവ്. കേരളത്തിൽ കൊച്ചിയിലും അഴീക്കോടും അവസരമുണ്ട്.  രണ്ടു വർഷത്തെ കരാർ നിയമനമാണ്. നീട്ടിക്കിട്ടാം.

യോഗ്യത: സിവിൽ, ഇലക്ട്രിക്കൽ/ ഇഇഇ, മെക്കാനിക്കൽ വിഭാഗങ്ങളിൽ  ബിഇ/ ബിടെക്. കുറഞ്ഞത് രണ്ടു വർഷത്തെ യോഗ്യതാനന്തര പ്രവൃത്തിപരിചയം വേണം. 

പ്രായപരിധി: 28 വയസ്. 

അപേക്ഷാഫീസ്: 500 രൂപ. 

108 എൻജിനീയർ

ഭാരത് ഇലക്‌ട്രോണിക്‌സിന്റെ ബെംഗളൂരുവിലെ സോഫ്റ്റ്‌വെയർ ഡിവിഷനിൽ  പ്രോജക്ട് എൻജിനീയർ, ട്രെയിനി എൻജിനീയർ തസ്തികയിലായി 108 ഒഴിവ്.  

ട്രെയിനി എൻജിനീയർ (54 ഒഴിവ്): ബെംഗളൂരുവിലാണ് നിയമനം.  കംപ്യൂട്ടർ സയൻസിൽ ഒന്നാം ക്ലാസോടെ ഫുൾ ടൈം ബിഇ/ ബിടെക്. എസ്‌സി/ എസ്ടി,  ഭിന്നശേഷിക്കാർക്കു പാസ് മാർക്ക് മതി. 

ഉയർന്ന പ്രായം: 25 വയസ്.

അപേക്ഷാ ഫീസ്: 200 രൂപ. 

പ്രോജക്ട് എൻജിനീയർ (54 ഒഴിവ്): ബെംഗളൂരു/ ഹൈദരാബാദ്/ ചാന്ദിപുർ(ഒഡിഷ) എന്നിവിടങ്ങളിലായി 54 ഒഴിവ്. 

മെക്കാനിക്കൽ/ കംപ്യൂട്ടർ സയൻസ്/ ഇലക്ട്രോണിക്സ്/ ഇലക്ട്രോണിക്സ് ആൻഡ് കമ്യൂണിക്കേഷൻ/ ഇലക്ട്രോണിക്സ് ആൻഡ്  ടെലികമ്യൂണിക്കേഷൻ/ വിഭാഗങ്ങളിൽ ഒന്നാം ക്ലാസോടെ ബിഇ/ ബിടെക്. എസ്‌സി/എസ്ടി, ഭിന്നശേഷിക്കാർക്കു പാസ് മാർക്ക് മതി. കുറഞ്ഞത് രണ്ടു വർഷത്തെ യോഗ്യതാനന്തര  പ്രവൃത്തിപരിചയം വേണം. 

ഉയർന്ന പ്രായം: 28 വയസ്. 

അപേക്ഷാ ഫീസ്: 500 രൂപ.  

www.bel-india.in

English Summary:  Bharat Heavy Electricals Limited