IOCL: 57 നോൺ എക്സിക്യൂട്ടീവ്, ശമ്പളം: 25,000–1,05,000 രൂപ
Mail This Article
ഇന്ത്യൻ ഓയിൽ കോർപറേഷൻ ലിമിറ്റഡിന്റെ പാനിപത് റിഫൈനറിയിൽ വിവിധ നോൺ എക്സിക്യൂട്ടീവ് തസ്തികയിൽ 57 ഒഴിവ്. നവംബർ 7 വരെ ഒാൺലൈനായി അപേക്ഷിക്കാം.
ജൂനിയർ എൻജിനീയറിങ് അസിസ്റ്റന്റ് (പ്രൊഡക്ഷൻ): കെമിക്കൽ/ റിഫൈനറി & പെട്രോ കെമിക്കൽ എൻജിനീയറിങ്ങിൽ ത്രിവൽസര ഡിപ്ലോമ അല്ലെങ്കിൽ ബിഎസ്സി ബിരുദം (ഫിസിക്സ്, മാത്തമാറ്റിക്സ്, കെമിസ്ട്രി/ ഇൻഡസ്ട്രിയൽ കെമിസ്ട്രി).
ജൂനിയർ എൻജിനീയറിങ് അസിസ്റ്റന്റ് (മെക്ക് ഫിറ്റർ കം റിഗർ)/ ജൂനിയർ ടെക്നിക്കൽ അസിസ്റ്റന്റ്: മെക്കാനിക്കൽ എൻജിനീയറിങ്ങിൽ ത്രിവൽസര ഡിപ്ലോമ.
ജൂനിയർ എൻജിനീയറിങ് അസിസ്റ്റന്റ് (ഇൻസ്ട്രുമെന്റേഷൻ)/ ജൂനിയർ ടെക്നിക്കൽ അസിസ്റ്റന്റ്: ഇൻസ്ട്രുമെന്റേഷൻ/ ഇൻസ്ട്രുമെന്റേഷൻ ആൻഡ് ഇലക്ട്രോണിക്സ്/ ഇൻസ്ട്രുമെന്റേഷൻ ആൻഡ് കൺട്രോൾ എൻജിനീയറിങ്ങിൽ ത്രിവൽസര ഡിപ്ലോമ.
ജൂനിയർ ക്വാളിറ്റി കൺട്രോൾ അനലിസ്റ്റ്: ഫിസിക്സ്, കെമിസ്ട്രി/ ഇൻഡസ്ട്രിയൽ കെമിസ്ട്രി, മാത്തമാറ്റിക്സിൽ ബിഎസ്സി ബിരുദം.
ഉദ്യോഗാർഥികൾ കുറഞ്ഞത് ഒരു വർഷത്തെ യോഗ്യതാനന്തര പ്രവൃത്തിപരിചയം നേടിയിരിക്കണം. യോഗ്യതാ പരീക്ഷയിൽ ജനറൽ, ഒബിസിക്കാർ കുറഞ്ഞതു മൊത്തം 50% മാർക്കും എസ്സി, ഭിന്നശേഷിക്കാർ 45% മാർക്കും നേടിയിരിക്കണം.
പ്രായം: 18–26 വയസ്. അർഹരായവർക്ക് ചട്ടപ്രകാരം ഇളവ്.
ശമ്പളം: 25,000–1,05,000 രൂപ.
www.iocl.com
English Summary: Indian Oil Corporation Recruitment