റെയിൽവേയിൽ 1004 അപ്രന്റിസ്

സൗത്ത് വെസ്റ്റേൺ റെയിൽവേയുടെ ഹൂബ്ലി, ബെംഗളൂരു, മൈസൂരു ഡിവിഷൻ/ വർക്ക്ഷോപ്പുകളിൽ അപ്രന്റിസ് അവസരം. 

1004 ഒഴിവുകളുണ്ട്. ഒരു വർഷമാണ് പരിശീലനം. 

കർണാടക, തമിഴ്നാട്, ആന്ധ്രാപ്രദേശ്, മഹാരാഷ്ട്ര, ഗോവ എന്നിവിടങ്ങളിലെ തിരഞ്ഞെടുത്ത ലോക്കൽ എംപ്ലോയ്മെന്റ് എക്സ്ചേഞ്ചുകളിൽ റജിസ്റ്റർ ചെയ്തിട്ടുള്ളവർക്ക് മുൻഗണന. ജനുവരി 9 വരെ ഒാൺലൈനായി അപേക്ഷിക്കാം.

ഫിറ്റർ, വെൽഡർ,  ഇലക്ട്രീഷ്യൻ, റഫ്രിജറേഷൻ ആൻ‌ഡ് എയർകണ്ടീഷനിങ് മെക്കാനിക്, പ്രോഗ്രാമിങ് ആൻഡ് സിസ്റ്റം അഡ്മിനിസ്ട്രേഷൻ അസിസ്റ്റന്റ്, മെഷിനിസ്റ്റ്, ടർണർ, കാർപെന്റർ, പെയിന്റർ, സ്റ്റെനോഗ്രഫർ ട്രേഡുകളിലാണ് ഒഴിവ്.

യോഗ്യത: കുറഞ്ഞതു മൊത്തം 50 % മാർക്കോടെ പത്താം ക്ലാസ് ജയം (10 + 2 പരീക്ഷാരീതി)/ തത്തുല്യം, ബന്ധപ്പെട്ട ട്രേഡിൽ നാഷനൽ ട്രേഡ് സർട്ടിഫിക്കറ്റ് (എൻസിവിടി/ എസ്‌സിവിടി). എൻജിനീയറിങ് ബിരുദക്കാരും ഡിപ്ലോമക്കാരും അപേക്ഷിക്കേണ്ടതില്ല.

പ്രായം: 15– 24 വയസ്. പട്ടിക വിഭാഗക്കാർക്ക് അഞ്ചും ഒബിസിക്കു മൂന്നും ഭിന്നശേഷിക്കാർക്ക് പത്തും വർഷം ഇളവു ലഭിക്കും. 

തിരഞ്ഞെടുപ്പ്: യോഗ്യതാ പരീക്ഷയിലെ മാർക്ക് അടിസ്‌ഥാനമാക്കിയാണ് തിരഞ്ഞെടുപ്പ്. വൈദ്യപരിശോധനയും ഡോക്യുമെന്റ് വെരിഫിക്കേഷനുമുണ്ടാകും. 

അപേക്ഷാ ഫീസ്: 100 രൂപ. പട്ടികവിഭാഗം, ഭിന്നശേഷിക്കാർ, സ്ത്രീകൾ എന്നിവർക്ക് ഫീസില്ല. 

ഡെബിറ്റ്/ ക്രെഡിറ്റ് കാർഡ്/ ഇന്റർനെറ്റ് ബാങ്കിങ് മുഖേന ഒാൺലൈനായി ഫീസടയ്ക്കണം.

www.rrchubli.in

English Summary: Apprenticeship Recruitment In Railway