കരസേനയിൽ 194 മതാധ്യാപകർ
Mail This Article
കരസേനയിൽ മതാധ്യാപകരാകാം. പണ്ഡിറ്റ്, ഗ്രന്ഥി, മൗലവി, പാതിരി, ബുദ്ധ് മോങ്ക് തുടങ്ങി ആർആർടി 91 - 95 കോഴ്സുകളിലായി ജൂനിയർ കമ്മിഷൻഡ് ഓഫിസർമാരുടെ 194 ഒഴിവുകളാണുള്ളത്. ഫെബ്രുവരി 9 വരെ ഓൺലൈനായി അപേക്ഷിക്കാം.
പുരുഷൻമാർ മാത്രം അപേക്ഷിച്ചാൽ മതി. ഏതെങ്കിലും വിഷയത്തിൽ ബിരുദം നേടിയവരാകണം.
പ്രായം: 25–34. 2021 ഒക്ടോബർ ഒന്ന് അടിസ്ഥാനമാക്കി പ്രായം കണക്കാക്കും.
യോഗ്യത:
പണ്ഡിറ്റ്, പണ്ഡിറ്റ്–ഗോർഖ: സംസ്കൃതത്തിൽ ആചാര്യ അല്ലെങ്കിൽ സംസ്കൃതത്തിൽ ശാസ്ത്രി യോഗ്യതയും ഒരു വർഷത്തെ കരംകന്ദ് ഡിപ്ലോമയും.
ഗ്രന്ഥി: പഞ്ചാബിയിൽ ഗ്യാനി ബിരുദം.
മൗലവി, മൗലവി (ഷിയ ലഡാക് ): അറബിയിലുള്ള മൗലവി അലിം/ ഉറുദുവിലുള്ള അദിബ് അലിം യോഗ്യത നേടിയിരിക്കണം.
പാതിരി: ബന്ധപ്പെട്ട അധികൃതരിൽ നിന്നു വൈദികപട്ടം നേടിയവർ. പ്രാദേശിക ബിഷപ്പിന്റെ അംഗീകാരമുള്ളവരാകണം.
ബുദ്ധ് മോങ്ക്: ബുദ്ധിസ്റ്റ് മൊണാസ്ട്രിയിലെ നിശ്ചിത യോഗ്യതയുള്ള മുഖ്യ പുരോഹിതനാൽ നിയോഗിക്കപ്പെട്ട മോങ്ക്/ബുദ്ധിസ്റ്റ് പുരോഹിതനാകണം.
അതതു മതസംസ്കാരത്തിൽപെട്ടവരാകണം മേൽപ്പറഞ്ഞ തസ്തികയിലേയ്ക്കുള്ള അപേക്ഷകർ.അപേക്ഷകർക്ക് മികച്ച ശാരീരിക, മാനസികക്ഷമത വേണം.
തിരഞ്ഞെടുപ്പ്: സ്ക്രീനിങ് ടെസ്റ്റ്, സർട്ടിഫിക്കറ്റ് വെരിഫിക്കേഷൻ, ഫിസിക്കൽ ഫിറ്റ്നെസ് ടെസ്റ്റ്, മെഡിക്കൽ പരിശോധന, എഴുത്തുപരീക്ഷ, ഇന്റർവ്യൂ എന്നിവയുണ്ടാകും. എഴുത്തുപരീക്ഷ ജൂൺ 27നു നടക്കും.
അപേക്ഷിക്കേണ്ട വിധം: www.joinindianarmy.nic.in എന്ന വെബ്സൈറ്റ് മുഖേന ഓൺലൈൻ അപേക്ഷ സമർപ്പിക്കണം. വെബ്സൈറ്റിൽ പ്രസിദ്ധീകരിക്കുന്ന നിർദേശങ്ങൾ മനസിലാക്കിയ ശേഷം മാത്രം അപേക്ഷിക്കുക.
English Summary: Religious Teacher Recruitment In Indian Army