നേവിയിൽ 43 ഒാഫിസർ

HIGHLIGHTS
  • ശാരീരിക യോഗ്യത ഉൾപ്പെടെയുള്ള വിശദവിവരങ്ങൾ വെബ്‌സൈറ്റിൽ ലഭിക്കും
INS-indian-navy-ships
SHARE

പ്ലസ്‌ടു എൻട്രി (പെർമനന്റ് കമ്മിഷൻ): 26 ഒഴിവ്

ഇന്ത്യൻ നേവിയുടെ പ്ലസ്‌ടു (ബിടെക്) കേഡറ്റ് എൻട്രി സ്‌കീമിൽ പെർമനന്റ് കമ്മിഷൻ ഒഴിവിലേക്ക് അപേക്ഷ ക്ഷണിച്ചു. എജ്യുക്കേഷൻ, എക്സിക്യൂട്ടീവ് ആൻഡ് ടെക്നിക്കൽ ബ്രാഞ്ചുകളിലായി 26 ഒഴിവുകളുണ്ട്. പുരുഷൻമാർക്കാണ് അവസരം. 2021 ജൂലൈയിൽ ഏഴിമല നേവൽ അക്കാദമിയിൽ പരിശീലനം ആരംഭിക്കും. ‍ജെഇഇ മെയിൻ 2020 (ബിഇ/ ബിടെക്) പരീക്ഷ എഴുതിയവർക്കാണ് അവസരം. ഫെബ്രുവരി 9 വരെ ഓൺലൈനായി അപേക്ഷിക്കാം. 

യോഗ്യത: ഫിസിക്‌സ്, കെമിസ്‌ട്രി, മാത്തമാറ്റിക്‌സ് വിഷയങ്ങൾക്ക് മൊത്തം 70% മാർക്കോടെ പ്ലസ്ടു ജയം/ തത്തുല്യം. പത്താം ക്ലാസ്/ പ്ലസ്‌ടുവിൽ ഇംഗ്ലിഷിന് 50% മാർക്ക് ലഭിച്ചിരിക്കണം. 

പ്രായം: 2002 ജനുവരി രണ്ടിനും 2004 ജൂലൈ ഒന്നിനും മധ്യേ ജനിച്ചവരാകണം. രണ്ടു തീയതികളും ഉൾപ്പെടെ.

ഷോർട് സർവീസ് കമ്മിഷൻ: 17 ഒഴിവ്

ഇന്ത്യൻ നേവിയുടെ എക്സിക്യൂട്ടീവ് ബ്രാഞ്ചിലും (സ്പോർട്സ് & ലോ), ടെക്നിക്കൽ ബ്രാഞ്ചിലും (നേവൽ കൺസ്ട്രക്ടർ) ഷോർട് സർവീസ് കമ്മിഷൻ ഓഫിസർ ആകാൻ അവസരം. 17 ഒഴിവ്. സ്ത്രീകൾക്കും അപേക്ഷിക്കാം. അപേക്ഷകർ അവിവാഹിതരായിരിക്കണം. 2021 ജൂണിൽ ഏഴിമല നാവിക അക്കാദമിയിൽ പരിശീലനം തുടങ്ങും. ഓൺലൈനായി അപേക്ഷിക്കണം. ബ്രാഞ്ചുകളും യോഗ്യതയും അപേക്ഷ സമർപ്പിക്കേണ്ട അവസാന തീയതിയും ചുവടെ.

സ്പോർട്സ്: പിജി/ ബിഇ/ ബിടെക്. (സ്പോർട്സ് കോച്ചിങ്ങിൽ ഡിപ്ലോമ/ എംഎസ്‌സി യോഗ്യതക്കാർക്ക് മുൻഗണന). അത്‌ലറ്റിക്സ്/ ടെന്നിസ്/ ഫുട്ബോൾ/ ഹോക്കി/ ബാസ്ക്കറ്റ്ബോൾ/ സ്വിമ്മിങ് എന്നിവയിൽ സീനിയർ ലെവൽ നാഷനൽ ചാംപ്യൻഷിപ്/ ഗെയിമുകളിൽ പങ്കെടുത്തിരിക്കണം. 

ലോ: 55% മാർക്കോടെ, ബാർ കൗൺസിൽ ഒാഫ് ഇന്ത്യ അംഗീകരിച്ച കോളജ്/ യൂണിവേഴ്സിറ്റിയിൽ നിന്നുള്ള ലോ ബിരുദം, 1901- ലെ അഡ്വക്കേറ്റ്സ് ആക്ട് പ്രകാരം അഡ്വക്കേറ്റ് ആയി എൻറോൾ ചെയ്തവരാകണം.

പ്രായം: 22-27 വയസ്. 1994 ജൂലൈ രണ്ടിനും 1999 ജൂലൈ ഒന്നിനും മധ്യേ ജനിച്ചവരായിരിക്കണം. രണ്ടു തീയതികളും ഉൾപ്പെടെ. 

അവസാന തീയതി: ഫെബ്രുവരി 7.

നേവൽ കൺസ്ട്രക്ടർ: മെക്കാനിക്കൽ/ സിവിൽ/ ഏയ്റോനോട്ടിക്കൽ/ ഏയ്റോസ്പേസ്/ മെറ്റലർജി/ നേവൽ ആർക്കിടെക്ചർ/ ഒാഷ്യൻ എൻജിനീയറിങ്/ മറൈൻ എൻജിനീയറിങ്/ ഷിപ് ടെക്നോളജി/ ഷിപ് ബിൽഡിങ്/ ഷിപ് ഡിസൈനിങ്ങിൽ 60% മാർക്കോടെ ബിഇ/ ബിടെക്.

പ്രായം: 19 1/2-25 വയസ്. 1996 ജൂലൈ രണ്ടിനും 2002 ജനുവരി ഒന്നിനും മധ്യേ ജനിച്ചവരായിരിക്കണം. രണ്ടു തീയതികളും ഉൾപ്പെടെ. അപേക്ഷിക്കേണ്ട തീയതി: ഫെബ്രുവരി 10 മുതൽ 18 വരെ.

ശാരീരിക യോഗ്യത ഉൾപ്പെടെയുള്ള വിശദവിവരങ്ങൾ www.joinindiannavy.gov.in. എന്ന വെബ്‌സൈറ്റിൽ ലഭിക്കും. 

English Summary: Indian Navy Recruitment 

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN JOBS & CAREER
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇരട്ട മാസ്ക് ഉപയോഗിക്കുമ്പോൾ ശ്രദ്ധിക്കേണ്ടത്

MORE VIDEOS
FROM ONMANORAMA