കാൻസർ ഇൻസ്റ്റിറ്റ്യൂട്ടിൽ 152 സ്പെഷലിസ്റ്റ്/നഴ്സ് ഒഴിവ്

കൊൽക്കത്തയിലെ ചിത്തരഞ്ജൻ നാഷനൽ കാൻസർ ഇൻസ്റ്റിറ്റ്യൂട്ട് ഹോസ്പിറ്റലിൽ സ്പെഷലിസ്റ്റ്, സ്റ്റാഫ് നഴ്സ് തസ്തികകളിലായി 152 ഒഴിവ്. മാർച്ച് 18 വരെ ഒാൺലൈനായി അപേക്ഷിക്കാം. 

മെഡിക്കൽ ഗ്യാസ്ട്രോ എൻട്രോളജി, ന്യൂക്ലിയർ മെഡിസിൻ, സർജിക്കൽ ഒാങ്കോളജി, യൂറോ ഒാങ്കോളജി, പ്ലാസ്റ്റിക് ആൻഡ് റീകൺസ്ട്രക്ടീവ് സർജറി, ക്രിട്ടിക്കൽ കെയർ, മെഡിക്കൽ ഒാങ്കോളജി, പതോളജി, റേഡിയോ ഡയഗ്നോസിസ്, റേഡിയേഷൻ ഒാങ്കോളജി, റേഡിയോതെറപ്പി, ട്രാൻസ്ഫ്യൂഷൻ മെഡിസിൻ, ബയോകെമിസ്ട്രി, മൈക്രോബയോളജി, അനസ്തീസിയോളജി വിഭാഗങ്ങളിലാണു സ്പെഷലിസ്റ്റ് ഒഴിവുകൾ.

ജിഎൻഎമ്മും ഒാങ്കോളജി നഴ്സിങ് ഡിപ്ലോമയും അല്ലെങ്കിൽ ബേസിക്/പിബിബിഎസ്‌സി നഴ്സിങ് അല്ലെങ്കിൽ ജിഎൻഎമ്മും 2 വർഷത്തെ പ്രവൃത്തിപരിചയവുമാണു സ്റ്റാഫ് നഴ്സിന്റെ യോഗ്യത. 

ഇന്ത്യൻ നഴ്സിങ് കൗൺസിൽ/സ്റ്റേറ്റ് നഴ്സിങ് കൗൺസിൽ റജിസ്ട്രേഷനും വേണം. 


English Summary: Recruitment In Cancer Institute