ആർമി +2 എൻട്രി: 90 ഒഴിവ്
Mail This Article
കരസേനയിൽ പ്ലസ്‌ ടു ടെക്‌നിക്കൽ എൻട്രി സ്‌കീം (പെർമനന്റ് കമ്മിഷൻ) 45–ാം കോഴ്‌സിലേക്ക് അപേക്ഷ ക്ഷണിച്ചു. 90 ഒഴിവ്. പുരുഷൻമാർക്കാണ് അവസരം. 2021 ജൂലൈയിൽ കോഴ്‌സ് ആരംഭിക്കും. ഓൺലൈൻ വഴി മാർച്ച് 2 വരെ അപേക്ഷിക്കാം.
യോഗ്യത: ഫിസിക്‌സ്, കെമിസ്‌ട്രി, മാത്‌സ് (പിസിഎം) എന്നിവ പഠിച്ച് 70% മാർക്കോടെ പ്ലസ്ടു ജയം/തത്തുല്യം.
പ്രായം: 2002 ജനുവരി രണ്ടിനു മുൻപും 2005 ജനുവരി ഒന്നിനു ശേഷവും ജനിച്ചവരാകരുത് (രണ്ടു തീയതികളും ഉൾപ്പെടെ).
പരിശീലനം: അഞ്ചു വർഷം. പൂർത്തിയാക്കുന്നവർക്ക് എൻജിനീയറിങ് ബിരുദം ലഭിക്കും. പരിശീലനത്തിനു ശേഷം ലഫ്‌റ്റ്‌നന്റ് റാങ്കിൽ നിയമനം. കരസേനയിൽ പ്ലസ്‌ ടു ടെക്‌നിക്കൽ എൻട്രി സ്‌കീം (പെർമനന്റ് കമ്മിഷൻ) 45–ാം കോഴ്‌സിലേക്ക് അപേക്ഷ ക്ഷണിച്ചു. 90 ഒഴിവ്.
തിരഞ്ഞെടുപ്പ്: ഷോർട് ലിസ്‌റ്റ് ചെയ്യപ്പെടുന്നവരെ എസ്‌എസ്‌ബി ഇന്റർവ്യൂവിനു ക്ഷണിക്കും. രണ്ടു ഘട്ടങ്ങളായി 5 ദിവസമാണ് ഇന്റർവ്യൂ. സൈക്കോളജിക്കൽ ടെസ്‌റ്റ്, ഗ്രൂപ്പ് ടെസ്‌റ്റ് എന്നിവയുമുണ്ടാകും. ആദ്യഘട്ടത്തിൽ വിജയിക്കുന്നവരെയേ തുടർന്നുള്ളവയിൽ പങ്കെടുപ്പിക്കൂ. വൈദ്യപരിശോധനയുമുണ്ട്
www.joinindianarmy.nic.in എന്ന വെബ്‌സൈറ്റ് മുഖേന അപേക്ഷ സമർപ്പിക്കാം.
