RBI: 841 ഓഫിസ് അറ്റൻഡന്റ്, ശമ്പളം: 10,940– 23,700 രൂപ

റിസർവ് ബാങ്ക് ഓഫ് ഇന്ത്യയിൽ വിവിധ ഓഫിസുകളിലായി 841 ഓഫിസ് അറ്റൻഡന്റ് ഒഴിവ്. തിരുവനന്തപുരത്ത് 26 ഒഴിവുണ്ട്. മാർച്ച് 15 വരെ ഓൺലൈനായി അപേക്ഷിക്കാം. യോഗ്യത: പത്താം ക്ലാസ് ജയം/തത്തുല്യ യോഗ്യത. അപേക്ഷകർ ബിരുദം നേടിയവരാകരുത്. ഓഫിസ് സ്ഥിതിചെയ്യുന്ന സംസ്ഥാനം/കേന്ദ്രഭരണ പ്രദേശത്തുനിന്നുള്ളവരാകണം അപേക്ഷകർ. ആ മേഖലയിലെ പ്രാദേശികഭാഷാ പരിജ്ഞാനവും വേണം.

ശമ്പളം: 10,940– 23,700 രൂപ പ്രായം: 2021 ഫെബ്രുവരി ഒന്നിന് 18– 25. പട്ടികവിഭാഗത്തിന് 5, മറ്റു പിന്നാക്കവിഭാഗക്കാർക്ക് 3 വർഷം ഇളവുണ്ട്. വിമുക്തഭടൻമാർക്കും ഇളവ് ലഭിക്കും. തിരഞ്ഞെടുപ്പ്: ഓൺലൈൻ പരീക്ഷ, ലാംഗ്വേജ് പ്രൊഫിഷ്യൻസി ടെസ്റ്റ് വഴി. ഏപ്രിൽ 9 നും 10 നും നടത്തുന്ന പരീക്ഷയ്ക്ക് റീസണിങ്, ജനറൽ ഇംഗ്ലിഷ്, ജനറൽ അവയർനസ്, ന്യൂമെറിക്കൽ എബിലിറ്റി വിഭാഗങ്ങളിലെ ചോദ്യങ്ങളുണ്ടാകും. കണ്ണൂർ, കൊച്ചി, കോട്ടയം, കോഴിക്കോട്, തൃശൂർ, തിരുവനന്തപുരം, കൊല്ലം എന്നിവിടങ്ങളിലാണു പരീക്ഷാകേന്ദ്രം. ഫീസ്: ജനറൽ, ഒബിസി: 450 രൂപ. പട്ടികവിഭാഗം, ഭിന്നശേഷിക്കാർ, വിമുക്തഭടൻ: 50 രൂപ. ആർബിഐ ജീവനക്കാർക്കു ഫീസ് ഇല്ല. ഓൺലൈനായി ഫീസ് അടയ്‌ക്കണം. www.rbi.org.in 

English Summary: RBI Office Attendant Rceruitment