ഇലക്ട്രോണിക്സ് കോർപറേഷനിൽ 111 ഒഴിവ്, ശമ്പളം: 18,882- 20,802 രൂപ
Mail This Article
ഇലക്ട്രോണിക്സ് കോർപറേഷൻ ഓഫ് ഇന്ത്യ ലിമിറ്റഡിന്റെ മൈസൂരു ഡിവിഷനിൽ വിവിധ തസ്തികയിൽ 111 ഒഴിവ്. 4 വർഷത്തെ കരാർ നിയമനം. ഇന്റർവ്യൂ ഏപ്രിൽ 17 നും 18 നും മൈസൂരുവിൽ.
തസ്തികയും ഒഴിവും യോഗ്യതയും:
സയന്റിഫിക് അസിസ്റ്റന്റ് (24): ഇലക്ട്രോണിക്സ് ആൻഡ് കമ്യൂണിക്കേഷൻ/ഇൻസ്ട്രുമെന്റേഷൻ/ഇലക്ട്രിക്കൽ/മെക്കാനിക്കൽ: ബന്ധപ്പെട്ട വിഭാഗത്തിൽ ഒന്നാം ക്ലാസ് ഡിപ്ലോമ.
കെമിക്കൽ: ഒന്നാം ക്ലാസ് ബിഎസ്സി കെമിസ്ട്രി. അല്ലെങ്കിൽ പത്താം ക്ലാസിനു ശേഷം 3 വർഷ ഡിപ്ലോമ/പ്ലസ് ടുവിനു ശേഷം 2 വർഷ ഡിപ്ലോമ, പോളിടെക്നിക്കുകളിൽനിന്നു 2 വർഷ വൊക്കേഷനൽ കോഴ്സ് (ഒന്നാം ക്ലാസോടെ കെമിക്കൽ വിഭാഗത്തിൽ). ശമ്പളം: 20,802 രൂപ.
ജൂനിയർ ആർട്ടിസാൻ (86): ഇലക്ട്രോണിക്സ് ആൻഡ് കമ്യൂണിക്കേഷൻ/ഇൻസ്ട്രുമെന്റേഷൻ/ഇലക്ട്രീഷ്യൻ/ഫിറ്റർ: ബന്ധപ്പെട്ട ട്രേഡിൽ 2 വർഷ ഐടിഐ.
കെമിക്കൽ പ്ലാന്റ് ഒാപ്പറേറ്റർ: ഫിസിക്സ്, കെമിസ്ട്രി, മാത്സ് പഠിച്ച് 60% മാർക്കോടെ പ്ലസ്ടു. അല്ലെങ്കിൽ സയൻസ്, മാത്സ് പഠിച്ച് 60% മാർക്കോടെ പത്താം ക്ലാസും കെമിക്കൽ പ്ലാന്റ് ഒാപ്പറേഷനിൽ ഒരു വർഷത്തെ ട്രേഡ് സർട്ടിഫിക്കറ്റും. അല്ലെങ്കിൽ ഐടിഐ ജയം (അറ്റൻഡന്റ് ഒാപ്പറേറ്റർ കെമിക്കൽ പ്ലാന്റ്)/കെമിക്കൽ പ്ലാന്റ് ഒാപ്പറേഷൻസിൽ എൻസിടിവിടി. ശമ്പളം: 18,882 രൂപ.
ഒാഫിസ് അസിസ്റ്റന്റ് (1): ബിഎസ്സി/ബിഎ/ബികോം. ശമ്പളം: 20,802 രൂപ.
അപേക്ഷകർക്കു രണ്ടു വർഷ പരിചയം വേണം.
പ്രായപരിധി: 25. അർഹരായവർക്ക് മാർക്കിലും വയസ്സിലും ഇളവുണ്ട്.
എഴുത്തുപരീക്ഷയുടേയും ട്രേഡ് ടെസ്റ്റിന്റേയും അടിസ്ഥാനത്തിലാണ് തിരഞ്ഞെടുപ്പ്. www.ecil.co.in
English Summary : Recruitment In Electronics Corporation