IDBI ബാങ്ക്: 920 എക്സിക്യൂട്ടീവ്, ശമ്പളം: 29,000-34,000 രൂപ
Mail This Article
ഐഡിബിഐ ബാങ്കിൽ എക്സിക്യൂട്ടീവ് തസ്തികയിൽ 920 ഒഴിവ്. കരാർ നിയമനം. ഓഗസ്റ്റ് 18 വരെ ഓൺലൈനിൽ അപേക്ഷിക്കാം. തുടക്കത്തിൽ ഒരു വർഷത്തേക്കാണു കരാർ. രണ്ടു വർഷം കൂടി നീട്ടിക്കിട്ടും.
യോഗ്യത: 55% മാർക്കോടെ ബിരുദം (പട്ടികവിഭാഗം, വികലാംഗർക്ക് 55%). അവസാനവർഷ ബിരുദ പരീക്ഷ എഴുതുന്നവരെയും പരിഗണിക്കും.
പ്രായം: 2021 ജൂലൈ ഒന്നിന് 20–25 (പട്ടികവിഭാഗത്തിന് അഞ്ചും ഒബിസിക്കു മൂന്നും വികലാംഗർക്കു പത്തും വർഷം ഇളവ്).
ശമ്പളം: ആദ്യ വർഷം 29,000 രൂപ, രണ്ടാം വർഷം 31,000 രൂപ, മൂന്നാം വർഷം 34,000 രൂപ. മികച്ച പ്രകടനത്തോടെ പൂർത്തിയാക്കുന്നവരെ അസിസ്റ്റന്റ് മാനേജർ ഗ്രേഡ്–എ തസ്തികയിൽ സ്ഥിരം നിയമനത്തിനും പരിഗണിക്കും.
ഓൺലൈൻ ടെസ്റ്റിന്റെ അടിസ്ഥാനത്തിലാണു തിരഞ്ഞെടുപ്പ്. സെപ്റ്റംബർ 5 നു പരീക്ഷ നടത്തും. കൊച്ചിയിലും തിരുവനന്തപുരത്തും കേന്ദ്രമുണ്ട്. റീസണിങ്, വർക്കിങ് ഇംഗ്ലിഷ് നോളജ്, ക്വാണ്ടിറ്റേറ്റീവ് ആപ്റ്റിറ്റ്യൂഡ് എന്നീ വിഷയങ്ങൾ ഉൾപ്പെടുന്നതാണു പരീക്ഷ. കൂടുതൽ വിവരങ്ങൾ വെബ്സൈറ്റിൽ.
ഫീസ്: 1000 രൂപ (പട്ടികവിഭാഗം/വികലാംഗർക്ക് 200 രൂപ). ഓൺലൈനിൽ ഫീസ് അടയ്ക്കാം.
ഓൺലൈൻ റജിസ്ട്രേഷനും വിജ്ഞാപനത്തിനും www.idbibank.in
English Summary: IDBI Bank Recruitment