വ്യോമസേനയിൽ 317 ഓഫിസർ, ശമ്പളം: 56,100–1,77,500
Mail This Article
വ്യോമസേനയുടെ ഫ്ലയിങ്, ഗ്രൗണ്ട് ഡ്യൂട്ടി (ടെക്നിക്കൽ, നോൺ ടെക്നിക്കൽ) ബ്രാഞ്ചുകളിൽ കമ്മിഷൻഡ് ഒാഫിസർ തസ്തികയിൽ 317ഒഴിവ്. ഇതു സംബന്ധിച്ച പ്രാഥമിക വിവരങ്ങൾ കേന്ദ്ര സർക്കാർ പ്രസിദ്ധീകരണമായ ‘എംപ്ലോയ്മെന്റ് ന്യൂസി’ന്റെ നവംബർ 27–ഡിസംബർ 3 ലക്കത്തിൽ പ്രസിദ്ധീകരിച്ചു.
AFCAT എൻട്രി (AFCAT-01/2022)/എൻസിസി സ്പെഷൽ എൻട്രിയിലൂടെയാണ് പ്രവേശനം. സ്ത്രീകൾക്കും അവസരം. 25 വയസ്സിൽ താഴെയുള്ള അപേക്ഷകർ അവിവാഹിതരായിരിക്കണം. ഡിസംബർ 1 മുതൽ 30 വരെ ഒാൺലൈനായി അപേക്ഷിക്കാം. (ഒഴിവുപട്ടിക ഇതോടൊപ്പം).
പ്രായം (01.01.2023 ന്): ∙ഫ്ലയിങ് ബ്രാഞ്ച്: 20–24 (1999 ജനുവരി രണ്ടിനും 2003 ജനുവരി ഒന്നിനും മധ്യേ ജനിച്ചവർ–രണ്ടു തീയതിയും ഉൾപ്പെടെ). ∙ഗ്രൗണ്ട് ഡ്യൂട്ടി (ടെക്നിക്കൽ/നോൺ ടെക്നിക്കൽ ബ്രാഞ്ച്): 20–26 (1997 ജനുവരി രണ്ടിനും 2003 ജനുവരി ഒന്നിനും മധ്യേ ജനിച്ചവർ–രണ്ടു തീയതിയും ഉൾപ്പെടെ).
പരിശീലനം: 2023 ജനുവരിയിൽ ഹൈദരാബാദിൽ പരിശീലനം ആരംഭിക്കും. ഫ്ലയിങ്, ഗ്രൗണ്ട് ഡ്യൂട്ടി ടെക്നിക്കൽ ബ്രാഞ്ചിന് 74 ആഴ്ചയും ഗ്രൗണ്ട് ഡ്യൂട്ടി നോൺ ടെക്നിക്കൽ ബ്രാഞ്ചിന് 52 ആഴ്ചയുമാണു പരിശീലനം.
ശമ്പളം (ഫ്ലയിങ് ഓഫിസർ): 56,100–1,77,500. പരിശീലനസമയത്തു ഫ്ലൈറ്റ് കേഡറ്റുകൾക്ക് 56,100 രൂപ സ്റ്റൈപൻഡ് ലഭിക്കും.
പരീക്ഷാഫീസ്: 250 രൂപ (എൻസിസി സ്പെഷൽ എൻട്രിക്ക് ഫീസില്ല).
യോഗ്യത ഉൾപ്പെടെയുള്ള വിജ്ഞാപനം https://careerindianairforce.cdac.in; https://afcat.cdac.in എന്നീ സൈറ്റുകളിൽ പ്രസിദ്ധീകരിക്കും.
Content Summary: Recruitment In Indian Air Force