ADVERTISEMENT

കംബൈൻഡ് ഡിഫൻസ് സർവീസസ് (സിഡിഎസ്) പരീക്ഷയ്ക്കു യുപിഎസ്‌സി അപേക്ഷ ക്ഷണിച്ചു. സ്‌ത്രീകൾക്കുള്ള നോൺ ടെക്‌നിക്കൽ ഷോർട് സർവീസ് കമ്മിഷൻ കോഴ്‌സ് ഉൾപ്പെടെ വിവിധ സൈനിക വിഭാഗങ്ങളിലായി 339 ഒഴിവുണ്ട്. സെപ്റ്റംബർ നാലിനാണു പരീക്ഷ. ജൂൺ 7 വരെ അപേക്ഷിക്കാം. www.upsconline.nic.in

 

കോഴ്‌സ്, ഒഴിവുകൾ, പ്രായം, യോഗ്യത:

ഇന്ത്യൻ മിലിറ്ററി അക്കാദമി, െഡറാഡൂൺ (100 ഒഴിവ്; ആർമി വിങ് എൻസിസി സി സർട്ടിഫിക്കറ്റ് ഉള്ളവർക്കു13 ഒഴിവ്): അവിവാഹിതരായ പുരുഷൻമാർക്ക് അപേക്ഷിക്കാം. 1999 ജൂലൈ രണ്ടിനു മുൻപും 2004 ജൂലൈ ഒന്നിനു ശേഷവും ജനിച്ചവരാകരുത്. യോഗ്യത: ബിരുദം.

 

നേവൽ അക്കാദമി, ഏഴിമല, എക്‌സിക്യൂട്ടീവ്–ജനറൽ സർവീസ്/ഹൈഡ്രോ (22 ഒഴിവ്; നേവൽ വിങ്ങിലെ എൻസിസി സി സർട്ടിഫിക്കറ്റുകാർക്കു 3 ഒഴിവ്): അവിവാഹിത പുരുഷൻമാർക്കാണ് അവസരം. 1999 ജൂലൈ രണ്ടിനു മുൻപും 2004 ജൂലൈ ഒന്നിനു ശേഷവും ജനിച്ചവരാകരുത്. യോഗ്യത: ബിടെക് / ബിഇ.

 

എയർ ഫോഴ്‌സ് അക്കാദമി, ഹൈദരാബാദ് 214 എഫ് (പി) കോഴ്‌സ്–പ്രീഫ്ലൈയിങ് (32 ഒഴിവ്; എയർ വിങ് എൻസിസി സി സർട്ടിഫിക്കറ്റ് ഉള്ളവർക്കു 3 ഒഴിവ്): 1999 ജൂലൈ രണ്ടിനു മുൻപും 2003 ജൂലൈ ഒന്നിനു ശേഷവും ജനിച്ചവരാകരുത്. കമേഴ്സ്യൽ പൈലറ്റ് ലൈസൻസ് ഉള്ളവർക്ക് 26 വയസ്സുവരെയാകാം. 25 നു താഴെ പ്രായമുള്ളവർ അവിവാഹിതരായിരിക്കണം. യോഗ്യത: ബിരുദം (പ്ലസ് ടുവിനു ഫിസിക്‌സും മാത്‌സും പഠിച്ചവരാകണം) അല്ലെങ്കിൽ ബിടെക് / ബിഇ. ‌

 

ഓഫിസേഴ്‌സ് ട്രെയിനിങ് അക്കാദമി, ചെന്നൈ, എസ്‌എസ്‌സി (169 ഒഴിവ്): അവിവാഹിത പുരുഷൻമാർക്കാണ് അവസരം. 1998 ജൂലൈ രണ്ടിനു മുൻപും 2004 ജൂലൈ ഒന്നിനു ശേഷവും ജനിച്ചവരാകരുത്. യോഗ്യത: ബിരുദം.

ഓഫിസേഴ്‌സ് ട്രെയിനിങ് അക്കാദമി, ചെന്നൈ, എസ്‌എസ്‌സി / വിമൻ നോൺ ടെക്‌നിക്കൽ (16 ഒഴിവ്): അവിവാഹിത സ്‌ത്രീകൾക്കാണ് അവസരം. 1998 ജൂലൈ രണ്ടിനു മുൻപോ 2004 ജൂലൈ ഒന്നിനു ശേഷമോ ജനിച്ചവരാകരുത്. ബാധ്യതകളില്ലാത്ത വിധവകൾക്കും വിവാഹമോചിതർക്കും അപേക്ഷിക്കാം. യോഗ്യത: ബിരുദം.

മേൽപറഞ്ഞ രണ്ടു കോഴ്‌സും 2023 ഒക്ടോബറിൽ തുടങ്ങും.

 

നിബന്ധനകൾക്കു വിധേയമായി അവസാനവർഷ വിദ്യാർഥികളെയും പരിഗണിക്കും. എഴുത്തുപരീക്ഷയ്ക്കു തിരുവനന്തപുരത്തും കൊച്ചിയിലും കോഴിക്കോട്ടും കേന്ദ്രമുണ്ട്. അപേക്ഷാ ഫീസ്: 200 രൂപ. സ്‌ത്രീകൾക്കും പട്ടികവിഭാഗക്കാർക്കും ഫീസില്ല.ശാരീരിക യോഗ്യതകളും സിലബസും അടക്കമുള്ള വിജ്‌ഞാപനം www.upsc.gov.in എന്ന വെബ്‌സൈറ്റിൽ.

 

Content Summary : UPSC published the CDS 2 Notification 2022 

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com