സെൻട്രൽ ബാങ്ക് ഓഫ് ഇന്ത്യയിൽ 5000 അപ്രന്റിസ് ഒഴിവ്. കേരളത്തിൽ തിരുവനന്തപുരം (71), കൊച്ചി (65) റീജനുകളിലായി 136 ഒഴിവുണ്ട്. യോഗ്യത: ബിരുദം. അപേക്ഷ ഏപ്രിൽ 3 വരെ. ഒരു വർഷമാണു പരിശീലനം. അപേക്ഷകർക്ക് സ്വന്തം ജില്ലയ്ക്കു പുറമേ 2 ജില്ലകൾകൂടി തിരഞ്ഞെടുക്കാം.
Read Also : ബെംഗളൂരു ലോ സ്കൂളിൽ വിവിധ പ്രോഗ്രാമുകൾ ചെയ്യാൻ അവസരം
∙സ്റ്റൈപൻഡ്: മെട്രോ ശാഖകളിൽ മാസം 15,000 രൂപ, അർബൻ ശാഖകളിൽ 12,000, റൂറൽ / സെമി അർബൻ ശാഖകളിൽ 10,000 രൂപ.
∙പ്രായം: 20–28. പട്ടികവിഭാഗക്കാർക്ക് 5 വർഷം ഇളവ്. മറ്റു പിന്നാക്കവിഭാഗക്കാർക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. വിധവകൾക്കും വിവാഹമോചനം നേടിയ സ്ത്രീകൾക്കും 7 വർഷം ഇളവ്.
യോഗ്യതയും പ്രായവും 2023 മാർച്ച് 31 അടിസ്ഥാനമാക്കി കണക്കാക്കും. പ്രാദേശികഭാഷയിൽ പ്രാവീണ്യം വേണം. യോഗ്യതാനന്തര പരിശീലനം / ജോലിപരിചയം നേടിയവർ അപേക്ഷിക്കേണ്ട.
∙തിരഞ്ഞെടുപ്പ്: ഓൺലൈൻ പരീക്ഷ ഏപ്രിലിൽ, തുടർന്ന് ഇന്റർവ്യൂ. അപേക്ഷകർ 8 / 10 / 12 ക്ലാസ് വരെയോ ബിരുദതലത്തിലോ പ്രാദേശികഭാഷ പഠിച്ചെന്നു തെളിയിക്കുന്ന സർട്ടിഫിക്കറ്റ് ഹാജരാക്കണം.
∙അപേക്ഷാഫീസ്: 800 രൂപ (പട്ടികവിഭാഗക്കാർക്കും വനിതകൾക്കും 600 രൂപ, ഭിന്നശേഷിക്കാർക്കു 400 രൂപ). ഓൺലൈനായി ഫീസ് അടയ്ക്കാം.
∙അപേക്ഷ: അപ്രന്റിസ്ഷിപ് പോർട്ടലായ www.apprenticeshipindia.gov.in വഴി ഏപ്രിൽ 3 വരെ ഓൺലൈനായി അപേക്ഷിക്കാം.
വിജ്ഞാപനത്തിന്റെ വിശദവിവരങ്ങൾക്ക്: www.centralbankofindia.co.in
Content Summary : Central Bank Recruitment 2023: Apply online for 5000 Apprentice posts
