Manoramaonline.com no longer supports Internet Explorer 8 or earlier. Please upgrade your browser.  Learn more »

പരുക്കേറ്റ കാട്ടാനയെ കണ്ടെത്താനായില്ല

ernakulam news പരുക്കേറ്റ നിലയിൽ ഇടമലയാറി‌ൽ കണ്ടെത്തിയ കാട്ടാന.

ഇടമലയാറിൽ പരുക്കേറ്റ നിലയിൽ കണ്ടെത്തിയ കാട്ടാനയ്ക്കു പരിചരണം നൽകാനുള്ള വനപാലകരുടെ ശ്രമം ഇന്നലെയും വിഫലമായി. കാട്ടാനകൾ തമ്മിലുള്ള ഏറ്റുമുട്ടലിൽ തലയ്ക്കും ചെവിയിലും സാരമായ പരുക്കേറ്റ്‌ അവശനിലയിലായ പിടിയാനയെ മയക്കുവെടി വച്ചശേഷം ചികിത്സിക്കുന്നതിനായി തിങ്കളാഴ്‌ച ഡോക്‌ടറും സംഘവും ഇടമലയാറിൽ എത്തിയിരുന്നു. 

അതിനിടയിൽ ആന കാട്ടിനുള്ളിലേക്കു കടന്നുപോയി. വനപാലകർ പിന്തുടർന്നെങ്കിലും ഫലമുണ്ടായില്ല. സാരമായ പരുക്കുള്ള ആന ദൂരേക്കു പോകില്ലെന്ന വിശ്വാസത്തിൽ ഇന്നലെ വനപാലകർ നടത്തിയ തിരച്ചിലും വിഫലമാവുകയായിരുന്നു. ആനയെ കണ്ടെത്താൻ ശ്രമം തുടരുമെന്നു തുണ്ടം റേഞ്ച് ഓഫിസർ സിജോ സാമുവൽ പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.