മാട്ടുപ്പെട്ടിയിൽ റോഡിലിറങ്ങി വാഹനങ്ങൾ തടയുന്ന കുട്ടിയാന.
മൂന്നാർ മാട്ടുപ്പെട്ടിയിൽ റോഡിലിറങ്ങി വാഹനങ്ങൾ തടഞ്ഞും യാത്രക്കാരെ വിരട്ടിയും കുട്ടിയാനയുടെ വികൃതി. മാട്ടുപ്പെട്ടിക്കും ഇക്കോപോയിന്റിനും ഇടയിൽ ഫോട്ടോപോയിന്റിലാണ് ഇന്നലെ വൈകിട്ട് 4ന് കുട്ടിയാന റോഡിലിറങ്ങിയത്. ഒരു മണിക്കൂർ ഒരു വാഹനവും ഇതുവഴി കടന്നുപോകാൻ അനുവദിക്കാതെ ആന റോഡിൽ നിലയുറപ്പിച്ചു. ഇടയ്ക്ക് മുന്നോട്ടു വന്ന ആളുകളെ വിരട്ടി. സ്കൂൾ കുട്ടികളുമായി വന്ന വാഹനങ്ങളും കുടുങ്ങി.
×
