ADVERTISEMENT

ഹിമാചൽപ്രദേശിൽ മഞ്ഞുവീഴ്ച കനത്തതോടെ ടൂറിസ്റ്റ് അടക്കമുള്ള ആളുകൾ പ്രതിസന്ധിയിലാണ്. പ്രതീക്ഷിച്ചതിലും വിപരീതമായ കാലാവസ്ഥയാണ് പലയിടത്തും അനുഭവപ്പെടുന്നത്. അതിശൈത്യം കാരണം പ്രധാനപ്പെട്ട പല റോഡുകളും അടച്ചിട്ടതിനാൽ ഗതാഗതക്കുരുക്ക് രൂക്ഷമായി. മഞ്ഞിൽ വാഹനങ്ങൾ കുടുങ്ങിക്കിടക്കുന്നത് ജീവനുതന്നെ ഭീഷണിയാവുകയാണ്. അത്തരത്തിൽ ഒരു ഞെട്ടിക്കുന്ന ദൃശ്യം സമൂഹമാധ്യമങ്ങളിൽ വൈറലാണ്.

മണാലിയിലെ സോളാങ് വാലിയിൽ നിന്നുള്ളതാണ് കാഴ്ച. രാത്രിയിൽ മഞ്ഞിൽ കുടുങ്ങിക്കിടന്ന ട്രക്ക് പെട്ടെന്ന് തെന്നിത്തുടങ്ങി. ഡ്രൈവർ പരമാവധി ശ്രമിച്ചെങ്കിലും വാഹനം കൈവിട്ട് പിന്നിലേക്ക് പോവുകയായിരുന്നു. ഇതോടെ ഡ്രൈവർ പുറത്തേക്ക് ചാടി. വാഹനം അതിവേഗത്തിൽ പിന്നിലേക്ക് പോയി താഴേക്ക് വീണു. സമീപത്ത് മറ്റ് വാഹനങ്ങൾ ഇല്ലാത്തതിൽ വലിയ അപകടം ഒഴിവായി. 

കനത്ത മഞ്ഞുവീഴ്ചയിൽ കാറുമായി പുറത്തിറങ്ങരുതെന്ന് ചിലർ മുന്നറിയിപ്പ് നൽകി. റോഡിനു ഇരുവശവും താഴ്ചയുള്ള പ്രദേശങ്ങളായതിനാൽ അപകടസാധ്യത കൂടുതലാണെന്നും പ്രദേശവാസികൾ പറയുന്നു.

English Summary:

Himachal Pradesh Snowstorm: Tourists & Locals Stranded, Roads Closed

മനോരമ ഓൺലൈൻ പ്രീമിയം സ്വന്തമാക്കാം
68% കിഴിവിൽ

കൂപ്പൺ കോഡ്:

PREMIUM68
subscribe now
പരിമിതമായ ഓഫർ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com