കൗതുകമായി കുള്ളൻ ജിറാഫുകള്‍; കണ്ടെത്തിയത് ആഫ്രിക്കയിൽ!

Discovery of Two Dwarf Giraffes in Namibia and Uganda Leaves Scientists Stunned
Grab image from youtube video
SHARE

ഉയരം കുറഞ്ഞ ജിറാഫുകളോ?  ജിറാഫുകളെക്കുറിച്ച് ഓർക്കുമ്പോൾ തന്നെ മനസ്സിലേക്കെത്തുന്നത് അവയുടെ ഉയരമാണ്. നീണ്ട കഴുത്തുകളും നീണ്ട കാലുകളുമുളള ജിറാഫുകൾ ഭൂമിയിലെ ഉയരം കൂടിയ ജീവികളാണ്. എന്നാൽ ഉയരം കുറഞ്ഞ കുള്ളൻ ജിറാഫുകളെയാണ് ഇപ്പോൾ കണ്ടെത്തിയിരിക്കുന്നത്. ആഫ്രിക്കയിലെ നമീബിയയിലും ഉഗാണ്ടയിലുമാണ് ഉയരമില്ലാത്ത ജിറാഫുകളെ കണ്ടെത്തിയത്. സാധാരണയായി പതിനഞ്ച് മുതൽ ഇരുപത് അടി വരെയാണ് ജിറാഫുകളുടെ നീളം. അതായത് ഏകദേശം നാലര മുതൽ ആറ് മീറ്റർ വരെ ഉയരം.

ഇപ്പോൾ കണ്ടെത്തിയ ജിറാഫുകൾക്കാകട്ടെ ഒൻപതടിയിൽ താഴെ ഉയരം മാത്രമെയുളളൂ. ജിറാഫ് കൺസർവേഷൻ ഫൗണ്ടേഷൻ നടത്തിയ ഗവേഷണത്തിലാണ് ഇത്രയും ചെറിയ ജിറാഫുകളുമുണ്ടെന്ന കണ്ടെത്തലിലേക്ക് ജന്തുശാസ്ത്ര ലോകമെത്തുന്നത്.  ബ്രിട്ടിഷ് മെഡിക്കൽ ജേർണലിലൂടെയാണ് ഫൗണ്ടേഷൻ ഈ കണ്ടെത്തൽ പ്രസിദ്ധപ്പെടുത്തിയത്. കുള്ളൻ ജിറാഫുകളുടെ കഴുത്തുകൾക്ക് നീളമുണ്ടെങ്കിലും കാലുകൾ തീരെ കുറുകിയതാണ്.

സ്കെലെറ്റൽ ഡിസ്‍െലപ്സിയ എന്ന അവസ്ഥയാണ് ഉയരക്കുറവിന് കാരണം. മനുഷ്യരിൽ സാധാരണയായി കാണുന്ന ഈ ശാരീരികാവസ്ഥ വന്യമൃഗങ്ങളിൽ വളരെ അപൂർവമായി മാത്രമേ കണ്ടുവരാറുളളൂ. കുഞ്ഞൻ ജിറാഫുകൾ കൗതുകക്കാഴ്ചയാണെങ്കിലും ആഹാരം കിട്ടുന്നതിലും ഇണചേരുന്നതിനും പൊക്കക്കുറവ് ഇവയ്ക്ക് വലിയ പ്രയാസമുണ്ടാക്കുമെന്ന് ഗവേഷകർ വ്യക്തമാക്കി.

English Summary: Discovery of Two Dwarf Giraffes in Namibia and Uganda Leaves Scientists Stunned

കൃഷിക്ക് ആവശ്യമായ സേവനങ്ങൾക്കായി ഇവിടെ ക്ലിക് ചെയ്യാംwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ENVIRONMENT NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA