കെട്ടിടം പണിക്കിടയിൽ കണ്ടെത്തിയത് കൂറ്റൻ മുതലയെ, ഭീതിയോടെ പ്രദേശവാസികൾ!

കെട്ടിടം പണി നടക്കുന്ന സ്ഥലത്തിനു സമീപമുള്ളള കിടങ്ങിൽ കണ്ടെത്തിയത് കൂറ്റൻ മുതലയെ. 11 അടിയോളം നീളമുള്ള മുതലയെയാണ് ഇവിടെ നിന്നും പിടികൂടിയത്. ഗുജറാത്തിലെ വഡോദരയിലാണ് സംഭവം നടന്നത്. കിടങ്ങിനുള്ളിൽ മുതലയെ കണ്ട് ഭയന്ന തൊഴിലാളികളും പ്രദേശവാസികളും കെട്ടിട ഉടമയും ഈ വിവരം ഉടൻ തന്നെ വന്യജീവി സംരക്ഷണ സംഘത്തെ വിവരമറിയിച്ചു.

സംഭവസ്ഥലത്തെത്തിയ സുരക്ഷാജീവനക്കാരാണ് കിടങ്ങിനുള്ളിൽ നിന്നും മുതലയെ സുരക്ഷിതമായി പുറത്തെത്തിച്ചത്. കഴുത്തിൽ കയർ കുരുക്കിയാണ് മുതലയെ വലിച്ചെടുത്തത്. പിന്നീടിതിനെ വലിയ ഇരുമ്പു കൂട്ടിലേക്ക് മാറ്റി. വഡോദരയിലെ കേലൻപുർ മേഖലയിൽ നിന്ന് ശനിയാഴ്ചയയാണ് മുതലയെ പിടികൂടിയത്. പിന്നീട് മുതലയെ വനം വകുപ്പിന് കൈമാറി. ഇപ്പോൾ സംരക്ഷണ കേന്ദ്രത്തിൽ പാർപ്പിച്ചിരിക്കുന്ന മുതലയെ പിന്നീട് സ്വാഭാവിക ആവാസവ്യവസ്ഥയിൽ തുറന്നു വിടാനാണ് വനം വകുപ്പിന്റെ തീരുമാനം.

English Summary: 11-feet long crocodile rescued from construction site in Gujarat’s Vadodara