കലിഫോർണിയയിൽ നാശം വിതച്ച് കാട്ടുതീ; കത്തിയമർന്ന് വീടുകൾ–വിഡിയോ

കലിഫോർണിയയിൽ നാശം വിതച്ച് കാട്ടുതീ. യോസെമിറ്റി ദേശീയോദ്യാനത്തിലെ വിഖ്യാതമായ ഭീമൻ സെക്കോയ മരങ്ങൾക്കു തൊട്ടടുത്തു വരെ തീനാളങ്ങളെത്തി. ആയിരക്കണക്കിന് ആളുകളെയാണ് ഇവിടെ നിന്നും ഒഴിപ്പിച്ചിരിക്കുന്നത്. യുണൈറ്റഡ് സ്റ്റേറ്റ്സിന്റെ ചില ഭാഗങ്ങൾ കൊടുംചൂടിന്റെ പിടിയിൽ തുടരുന്നതിനിടെയാണ് സെൻട്രൽ കലിഫോർണിയയിലെ തീപിടുത്തം. മരിപോസ കൗണ്ടിയിൽ മിഡിപൈൻസ് പട്ടണത്തിനു സമീപം വെള്ളിയാഴ്ച തുടങ്ങിയ കാട്ടുതീ ആളിപ്പടർന്ന് കൂടുതൽ പ്രദേശങ്ങളിലേക്ക് വ്യാപിച്ചു. 

വേനലിൽ ഉണങ്ങി നിൽക്കുന്ന മരങ്ങളിലേക്ക് തീപ്പൊരി പറന്നു വീണ് തീ വലുതാകുകയാണ്. ഞായറോടെ 52 ചതുരശ്ര കിലോമീറ്റർ കാട് കത്തിയമർന്നു. സിയെറ നെവാഡ മലയടിവാരത്തിനടുത്തായി താമസിക്കുന്ന 6000 പേരെ ഒഴിപ്പിച്ചു. പത്തോളം വീടുകൾ കത്തിനശിച്ചു. കലിഫോർണിയ ഗവർണർ മരിപോസയിൽ അടിയന്തരാവസ്ഥ പ്രഖ്യാപിച്ചു. ഉഷ്ണതരംഗം മൂലം യുഎസിന്റെ പലഭാഗങ്ങളിലും താപനില ഉയർന്നു.

English Summary: Over 6,000 People Evacuated As California's "Explosive" Wildfire Grows