ഈച്ചയെ പൊട്ടിത്തെറിപ്പിച്ച് പുറത്തെത്തിയ സോംബി ഫംഗസ്! ആമസോണിലെ അദ്ഭുതദൃശ്യം

Amazonian 'zombie' fungus bursts through fly's body in grisly, contest-winning photo
Image credit: Roberto García-Roa
SHARE

ആമസോൺ കാടുകളിൽ ഒരു മരത്തിന്റെ ഇലയിൽ ഇരിക്കുന്ന ഈച്ച. പൊടുന്നനെ ഈച്ചയുടെ ശരീരം പൊട്ടിച്ചിതറിച്ചുകൊണ്ട് 7 ഫംഗസ് ഭാഗങ്ങൾ പ്രത്യക്ഷപ്പെടുന്നു. ആ ഫംഗസിന്റെ പരിപൂർണ നിയന്ത്രണത്തിലായിരുന്നു ആ ഈച്ചയുടെ മനസ്സും ശരീരവും. ശാസ്ത്രജേണലായ ബിഎംസി ഇക്കോളജി ആൻഡ് ഇവല്യൂഷൻ ലോകവ്യാപകമായി നടത്തിയ ഫോട്ടോഗ്രഫി മൽസരത്തിൽ ഗ്രാൻഡ് പ്രൈസ് വിജയിയാണ് ഈ ചിത്രം. ഈച്ചകൾ ഉൾപ്പെടെ കീടങ്ങളെ ബാധിക്കുന്ന ദുരൂഹ ഫംഗസുകളാണ് സോംബി ഫംഗസുകൾ.

സ്‌പെയിനിലെ വലൻസിയ സർവകലാശാലയിലെ ജീവശാസ്ത്ര ഗവേഷകനും ഫ്രീലാൻസ് ഫോട്ടോഗ്രഫറുമായ റോബർട്ടോ ഗാർഷ്യ റോയയാണ് ചിത്രമെടുത്തത്. ആമസോണിന്റെ ഭാഗമായിട്ടുള്ള, തെക്കുകിഴക്കൻ പെറുവിലെ ടംബോപാറ്റ ദേശീയ ഉദ്യാനത്തിൽ ഗവേഷണം നടത്തവെയാണു റോബർട്ടോയുടെ ക്യാമറയിൽ ചിത്രം പതിഞ്ഞത്. ഹോളിവുഡ് ചിത്രങ്ങളിലും മറ്റും സർവസാധാരണമാണ് സോംബി ജോണർ സിനിമകൾ. ഏതെങ്കിലും വിചിത്ര വൈറസുകളോ മറ്റോ മനുഷ്യ ശരീരത്തിൽ അതിക്രമിച്ചുകയറി, ശരീരത്തെയും സ്ഥിരബുദ്ധിയെയും തങ്ങളുടെ നിയന്ത്രണത്തിലാക്കുന്നതും മറ്റു മനുഷ്യരിലേക്ക് ഇവ പടരുന്നതുമാണ് സോംബി ചിത്രങ്ങളുടെ പൊതുവെയുള്ള പശ്ചാത്തലം.

കേവലം ഭാവനയ്ക്കപ്പുറം ഇത്തരം സംഭവങ്ങൾ ജന്തുലോകത്തുണ്ടോയെന്നുള്ള അന്വേഷണങ്ങൾ വളരെ വിചിത്രവും അവിശ്വസനീയവുമായ കണ്ടെത്തലുകളിലേക്കു പിന്നീട് നയിച്ചു. സോംബി വൈറസുകളെ പോലെയുള്ള സോംബി ഫംഗസുകൾ, ഈച്ചയുടെ ശരീരത്തിലേക്കു കടന്നുകയറുകയും അതിന്റെ ശാരീരിക പ്രവർത്തനങ്ങളെയും മനോവ്യാപാരങ്ങളെയും സ്വാധീനിക്കുകയും ചെയ്‌തെന്ന് റോബർട്ടോ ഗാർഷ്യ പറയുന്നു. ഇതിനു ശേഷം ഇത് തങ്ങൾക്ക് കൂടുതൽ അനുകൂലമായ സ്ഥലത്തേക്ക് ഈച്ചയെ നയിച്ചു. അവിടെയെത്തിയശേഷം ഈച്ചയുടെ ശരീരത്തിൽ നിന്നു ഫംഗസ് ഭാഗങ്ങൾ പൊട്ടിപ്പുറപ്പെടുകയും കൂടുതൽ ഇരകളെ ആക്രമിച്ച് അവയുടെ ശരീരത്തിൽ അധിനിവേശം സ്ഥാപിക്കാൻ ശ്രമിക്കുകയും ചെയ്തു.

എന്‌റമോപഥോജനിക് എന്ന വിഭാഗത്തിൽ പെടുന്നവയാണ് ഈ ഫംഗസുകൾ. ചീവീടുകൾ പോലുള്ള കീടങ്ങളായ സികാഡകളിലും ഇത്തരം ഫംഗസുകൾ പ്രവർത്തിക്കുന്നതായി കണ്ടെത്തിയിട്ടുണ്ട്. ഇവയിലെ ആൺകീടങ്ങളിൽ കയറിപ്പറ്റുന്ന ഫംഗസുകൾ താമസിയാതെ കീടത്തിന്റെ നിയന്ത്രണം ഏറ്റെടുക്കും. തുടർന്ന് പെൺകീടങ്ങളാണെന്നു തെറ്റിദ്ധരിപ്പിക്കുന്ന രീതിയിലുള്ള ആംഗ്യവിക്ഷേപം നടത്താനുള്ള പ്രത്യേക രാസവസ്തുക്കൾ ഇവ ആൺ സിക്കാഡകളുടെ ശരീരത്തിലേക്കു പ്രഹിപ്പിക്കും. ഇത്തരത്തിൽ തെറ്റിദ്ധരിക്കപ്പെടുന്ന ഒട്ടേറെ ആൺ സിക്കാഡകൾ ഇവയുമായി ഇണചേരാനെത്തുകയും ഫംഗസ് ഇവയിലേക്കെല്ലാം വ്യാപിക്കപ്പെടുകയും ചെയ്യും.

English Summary: Amazonian 'zombie' fungus bursts through fly's body in grisly, contest-winning photo

കൃഷിക്ക് ആവശ്യമായ സേവനങ്ങൾക്കായി ഇവിടെ ക്ലിക് ചെയ്യാംwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ENVIRONMENT NEWS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഒറ്റനിലയിൽ കിടിലൻവീട് | Best Kerala Homes | Home Tour

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}
FROM ONMANORAMA