sections
MORE

തലയിൽ വാലുമായി ജനിച്ച നായ്ക്കുട്ടി; അപൂർവ ദൃശ്യങ്ങൾ!

The Puppy Born With An Extra Tail On His Head
SHARE

തലയിൽ വാലുമായി ജനിച്ച നായ്ക്കുട്ടിയുടെ ദൃശ്യങ്ങൾ കൗതുകമാകുന്നു. നായ്ക്കുട്ടിയുടെ നെറ്റിയുടെ നടുവിലാണ് ഈ അധിക വാലിന്റെ സ്ഥാനം.യുഎസിലെ മിസൗറിയിൽ നിന്നാണ് 10 ആഴ്ച മാത്രം പ്രായമുള്ള ഈ നയ്ക്കുട്ടിയെ ഉപേക്ഷിച്ച നിലയിൽ കണ്ടെത്തിയത്.

മാക്സ് മിഷൻ എന്ന മൃഗസംരക്ഷണ സംഘടനയാണ് ഈ നായ്ക്കുട്ടിയുടെ സംരക്ഷണമേറ്റെടുത്തത്. നർവാൾ എന്നാണ് ഏറെ പ്രത്യേകതയുള്ള ഈ നായ്ക്കുട്ടിക്ക് അധികൃതർ നൽകിയിരിക്കുന്ന പേര്. തലയിൽ വാലുള്ള നായ്ക്കുട്ടിയുടെ ചിത്രങ്ങളും ദൃശ്യങ്ങളും അധികൃതർ സമൂഹമാധ്യമങ്ങളിൽ പങ്കുവച്ചതോടെയാണ് സംഭവം ജനശ്രദ്ധനേടിയത്.

നെറ്റിയുടെ നടുവിൽ മുളച്ചുവന്ന വാല് നായ്ക്കുട്ടിക്ക് അസ്വസ്ഥതയോ വേദനയോ ഒന്നും ഉണ്ടാക്കുന്നില്ലെന്ന് മാക്സ് മിഷന്റെ വക്താവായ റോഷ്‌ലെ സ്റ്റീഫൻ വ്യക്തമാക്കി. ഈ വാലുകൊണ്ട് നർവാളിന് യാതൊരു ബുദ്ധിമുട്ടുമില്ല. മറ്റു നായ്ക്കുട്ടികളെ പോലെ തന്നെ ഏറെനേരം ഓടിക്കളിക്കാനും മറ്റും സാധിക്കുന്നുണ്ട്. ഈ വാല് കൊണ്ട് നർവാളിന് എന്തെങ്കിലും പ്രശ്നമുണ്ടോയെന്ന് പരിശോധിക്കാനായി മൃഗഡോക്ടറേയും സമീപിച്ചിരുന്നു. 

തന്റെ 16 വർഷത്തെ ഔദ്യോഗിക ജീവിതത്തിനിടയ്ക്ക് ഇങ്ങനെയൊരു നായ്ക്കുട്ടിയെ കാണുന്നത് ആദ്യമായാണെന്ന് ഡോക്ടറും വ്യക്തമാക്കി.ജനിതകപരമായ വൈകല്യമാകാം ഈ അധിക വാലിനു പിന്നിലെന്നാണ് ഇദ്ദേഹത്തിന്റെ നിഗമനം.ഇതുമൂലം നർവാളിന് യാതൊരു ബുദ്ധിമുട്ടും ഉണ്ടാവില്ലെന്നും അതുകൊണ്ട് തന്നെ ശസ്ത്രക്രിയയിലൂടെ വാല് നീക്കം ചെയ്യേണ്ടതില്ലെന്നുമാണ് ഡോക്ടറുടെ അഭിപ്രായം.

എന്തായാലും മാക്സ് മിഷൻ ഇപ്പോൾ നർവാളിനെ ദത്തു നൽകാൻ തീരുമാനിച്ചിട്ടില്ല. നിലവിൽ പ്രശ്നങ്ങളൊന്നുമില്ലെങ്കിലും കുറച്ചുകൂടി വളർന്ന ശേഷം ഈ അധിക വാൽ ബുദ്ധിമുട്ടുണ്ടാകുമോയെന്ന് നിരീക്ഷിക്കാനാണ് അധികൃതരുടെ തീരുമാനം. 

English Summary: The Puppy Born With An Extra Tail On His Head

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GREEN HEROES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA