കൂറ്റൻ വടത്തിൽ കുരുങ്ങിയ തിമിംഗല സ്രാവിനെ രക്ഷിച്ച് മുങ്ങൽ വിദഗ്ധർ; അപൂർവ ദൃശ്യങ്ങൾ!

Brave divers perform incredible rescue of whale shark caught in a piece of rope
SHARE

തിമിംഗല സ്രാവിന്റെ ശരീരത്തിൽ കുടുങ്ങിക്കിടന്ന കൂറ്റൻ വടം അറുത്തുമാറ്റി അതിനെ സ്വതന്ത്രമാക്കിയ മുങ്ങൽ വിദഗ്ധരാണ് ഇപ്പോൾ സമൂഹമാധ്യമങ്ങളിൽ തരംഗമാകുന്നത്. മാൽഡീവ്സിലെ ഫുവാമുള്ള ദ്വീപിലാണ് സംഭവം നടന്നത്. മകാന മാൽഡീവ്സ് ടൂർ ഏജൻസിയിലെ മുങ്ങൽ വിദഗ്ധരായ സൈമൺ മുസുമേസിയും അന്റോണിയോ ഡി ഫ്രാങ്കോയും ചേർന്നാണ് വിനോദസഞ്ചാരിളുമായി ബോട്ടിൽ ആഴക്കടലിലേക്ക് സഞ്ചരിക്കുന്നതിനിടയിൽ അപ്രതീക്ഷിതമായി കൂറ്റൻ തിമിംഗലസ്രാവിനെ കണ്ടത്. ആഴക്കടലിൽ ഡൈവിങ്ങിനെത്തിയതായിരുന്നു സംഘം.

ബോട്ടിനു സമീപമെത്തിയ തിമിംഗലസ്രാവിന്റെ കഴുത്തിനു സമീപത്തായി കൂറ്റൻ വടം കുടുങ്ങിക്കിടക്കുന്നത് ഇവരുടെ ശ്രദ്ധയിൽ പെട്ടു. ഉടൻ തന്നെ സൈമണും അന്റേണിയോയും കടലിലേക്ക് ചാടി തിമിംഗലസ്രാവിന്റെ ശരീരത്തിൽ മുറുകിക്കിടന്ന കയർ അറുത്തുമാറ്റാൻ ശ്രമിച്ചു. തിംമിംഗലം വേഗത്തിൽ നീന്തുന്നതിനാൽ കയർ അറുത്തുമാറ്റുന്നത് ശ്രമകരമായിരുന്നു. പത്ത് മിനിട്ടോളമെടുത്താണ് തിമിംഗലസ്രാവിന്റെ ശരീരത്തിൽ കുടുങ്ങിയ കൂറ്റൻ വടം ഇവർ അറുത്തുമാറ്റിയത്.

കയർ ശരീരത്തിൽ നിന്നും അറുത്തുമാറ്റിയപ്പോൾ തിമിംഗലസ്രാവിന്റെ ശരീരത്തിൽ അത് മുറുകിക്കിടന്നിടത്ത് വെളുത്ത പാട് അവശേഷിച്ചിരുന്നു. ശരീരത്തിൽ കുടുങ്ങിയ വടം മാറ്റിയപ്പോൾ അൽപ നിമിഷം തിമിംഗലസ്രാവ് ചലിക്കാതെ നിന്നെന്നും ഇവർ വ്യക്തമാക്കി. പിന്നീട് മെല്ലെ കടലിനടിയിലേക്ക് നീന്തി മറഞ്ഞു.

Brave divers perform incredible rescue of whale shark caught in a piece of rope

കുറച്ച് കഴിഞ്ഞപ്പോൾ വീണ്ടും തിമിംഗലസ്രാവ് നന്ദി പ്രകടിപ്പിക്കാനെന്നപോലെ ഇവർക്കരികിലേക്ക് നീന്തിയെത്തി. തങ്ങളുടെ ജീവിതത്തിലെ ഏറ്റവും മനോഹരമായ നിമിഷമെന്നാണ് അവർ ഇതിനെ വിശേഷിപ്പിച്ചത്. എന്നാൽ എങ്ങനെയാണ് കൂറ്റൻ വടം തിമിംഗലസ്രാവിന്റെ ശരീരത്തിൽ കുടുങ്ങിയതെന്ന് വ്യക്തമല്ല. ഒരുപാട് ദൂരം സഞ്ചരിക്കുന്ന ജീവികളാണ് തിമിംഗലസ്രാവുകൾ. ഇങ്ങനെയുള്ള ദേശാന്തരഗമനത്തിനിടയിൽ കുടുങ്ങിയതാവാം കയർ എന്നാണ് നിഗമനം.

English Summary: Brave divers perform incredible rescue of whale shark caught in a piece of rope

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GREEN HEROES
SHOW MORE
FROM ONMANORAMA