ശുചീകരണത്തിൽ വേറിട്ട മാതൃകയുമായി നവദമ്പതികൾ; സോമേശ്വർ ബീച്ച് ക്ലീൻ!

ശുചീകരണത്തിൽ വേറിട്ട മാതൃകയുമായി നവദമ്പതികൾ. ദക്ഷിണ കന്നഡ ജില്ലയിലെ സോമേശ്വർ ബീച്ചാണ് ദമ്പതികളായ അനുദീപും മിനുഷയും ചേർന്ന് ശുചീകരിച്ചത്. 3 കിലോമീറ്ററിനുള്ളിലായി 600 കിലോഗ്രാം പ്ലാസ്റ്റിക് മാലിന്യങ്ങളാണ് ഒരാഴ്ച കൊണ്ട് ശേഖരിച്ചത്. ഏറെക്കാലമായി പ്രണയത്തിലായിരുന്ന ഇവരുടെ വിവാഹം നവംബർ 18നായിരുന്നു.

കോവിഡിനെ തുടർന്ന് മധുവിധു ആഘോഷങ്ങളെല്ലാം റദ്ദാക്കിയപ്പോഴാണ് ശുചീകരണ പ്രവർത്തനത്തിനുള്ള താൽപര്യം അനുദീപ് മിനുഷയോട് പറഞ്ഞത്. ഇവരുടെ ദൗത്യം കണ്ട് കൂടുതൽ യുവാക്കൾ പിന്തുണയുമായി എത്തിയത് ഒരിക്കലും മറക്കാനാവാത്ത അനുഭവമാണ് സമ്മാനിച്ചതെന്ന് അനുദീപ് പറഞ്ഞു.

English Summary: Newlyweds clean up Someshwar beach