sections
MORE

ഓർഡർ ചെയ്തത് പലവ്യഞ്ജനങ്ങൾ; പാഴ്സലിൽ എത്തിയത് മൂർഖൻ പാമ്പ്, ദൃശ്യങ്ങള്‍!

cobra
പ്രതീകാത്മക ചിത്രം
SHARE

പലവ്യഞ്ജനങ്ങൾ ബുക്കുചെയ്ത് കാത്തിരുന്നയാൾക്ക് കുറിയറിൽ സാധനങ്ങൾക്കൊപ്പം കിട്ടിയത് മൂർഖൻ പാമ്പ്. ഒ‍ഡിഷയിലെ മയൂർഭഞ്ചിലാണ് ഞെട്ടിക്കുന്ന സംഭവം നടന്നത്. മയൂർഭഞ്ചിലെ റായ്‍രംഗ്പുർ സ്വദേശിയായ മൃത്യു കുമാർ ആണ് വിജയവാഡയിൽ നിന്നു പലവ്യഞ്ജനങ്ങൾ ഓർഡർ ചെയ്തത്.

അവിടെനിന്ന് കുറിയറിലാണ് സാധനങ്ങൾ മയൂർഭഞ്ചിലേക്കയച്ചത്. എന്നാൽ സാധനങ്ങൾ പായ്ക്ക് ചെയ്ത ബോക്സിനുള്ളിൽ കുറിയർ ഓഫിസിൽ വച്ച് എങ്ങനെയോ ഒരു എലി കയറിപ്പറ്റിയിരുന്നു. ഈ ദ്വാരത്തിലൂടെ തന്നെയാകാം പാമ്പും ബോക്സിനുള്ളിൽ കയറിയതെന്നാണ് നിഗമനം. കുറിയറിൽ എത്തിയ സാധനങ്ങൾ പരിശോധിച്ചപ്പോഴാണ് ബോക്സിനുള്ളിൽ സാധനങ്ങൾക്കൊപ്പം പതുങ്ങിയിരിക്കുന്ന മൂർഖൻ പാമ്പിനെ കണ്ടത്.

അഞ്ചരയടിയോളം നീളമുണ്ടായിരുന്നു ഈ പാമ്പിന്. ഉടൻ തന്നെ മൃത്യു കുമാർ പാമ്പ് പിടിത്ത വിദഗ്ധരെ വിവരമറിയിച്ചു. അവരെത്തി പാമ്പിനെ പിടികൂടിയ ശേഷം ജനവാസ കേന്ദ്രത്തിൽ നിന്നും അകലെയുള്ള വനത്തിൽ തുറന്നു വിട്ടു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WILD LIFE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA