sections
MORE

കലിപൂണ്ട കാണ്ടാമൃഗം കാർ കുത്തിമറിച്ചത് 3 തവണ; ഉള്ളിൽ പേടിച്ചരണ്ട് ഡ്രൈവർ!

 Angry Rhino Attacks Car
SHARE

ജർമനിയിലെ ഒരു സഫാരി പാർക്കിലാണ് കലികയറിയ കാണ്ടാമൃഗം കാർ കുത്തിമറിച്ചത്. ഈ കാറിനുള്ളിൽ ഡ്രൈവറുമുണ്ടായിരുന്നു.

ജർമനിയിലെ ഹോഡെൻഹേഗനിലുള്ള സെറൻഗെറ്റി സഫാരി പാർക്കിലാണ് അപൂർവ സംഭവങ്ങൾ അരങ്ങേറിയത്. 30 വയസ്സ് പ്രായമുള്ള കുസിനി എന്ന ആൺ കാണ്ടാമൃഗമാണ് കാർ യാതൊരു പ്രകോപനവുമില്ലാതെ മൂന്ന് തവണ കുത്തിമറിച്ചത്.

കാണ്ടാമൃഗത്തിന്റെ ആക്രമണത്തിൽ കാറിന് സാരമായ കേടുപാടുകൾ സംഭവിച്ചെങ്കിലും അകത്തുണ്ടായിരുന്ന ഡ്രൈവറുടെ പരിക്കുകൾ ഗുരുതരമല്ല.സഫാരി പാർക്കിൽ ആ സമയത്തുണ്ടായിരുന്ന സന്ദർശകരുടെ ഗൈഡായ ഇഗോർ പെട്രോവ് ആണ് ഈ ദൃശ്യങ്ങൾ പകർത്തിയത്.

കുസിനി ഇവിടെയെത്തിയിട്ട് 18 മാസമായി. ഇതുവരെ സന്ദർശകർക്ക് യാതൊരു ബുദ്ധിമുട്ടും കാണ്ടാമൃഗത്തിന്റെ ഭാഗത്തുനിന്ന് ഉണ്ടായിട്ടില്ല.പെട്ടെന്ന് കാണ്ടാമൃഗം പ്രകോപിതനാകാനുള്ള കാരണം വ്യക്തമല്ലെന്ന് സഫാരി പാർക്കിന്റെ മാനേജരായ ഫാബ്രിസിയോ സെപെയും വ്യക്തമാക്കി.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WILD LIFE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA