ADVERTISEMENT

കടലിൽ നിന്ന് മത്സ്യത്തൊഴിലാളിക്ക് കിട്ടിയ വിചിത്രജീവിയാണ് ഇപ്പോൾ സമൂഹമാധ്യമങ്ങളിലെ ചർച്ചാവിഷയം. ജീവിയുടെ വിചിത്ര രൂപമാണ് ശ്രദ്ധിക്കപ്പെടുന്നത്. വലിയ തലയും നീരാളിയുടേതിനു സമാനമായ മൂന്നു കാലുകളും ചെകിളകളും വലിയ കണ്ണുകളുമുണ്ട് ഈ ജീവിക്ക്. ജീവിയുടെ രൂപം മൊത്തത്തിൽ ഭയപ്പെടുന്ന ഒന്നാണ്.

നതാലിയ വോർബോക്ക് ആണ് ഈ ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവിട്ടത്. മത്സ്യബന്ധന ബോട്ടിന്റെ ഉള്ളിൽ കിടന്നു തിരിയുന്ന ദൃശ്യങ്ങളാണ് വിഡിയോയിലുള്ളത്. ബ്രൂക്ക്‌ലിനിലെ കോനെ ദ്വീപിൽ നിന്നു പകർത്തിയതാണ് ഈ ദൃശ്യങ്ങൾ. അറ്റ്ലാന്റിക് സമുദ്രത്തിൽ നിന്നാണ് മത്സ്യത്തൊലിലാളിക്ക് വിചിത്ര ജീവിയെ കിട്ടിയത്.

1.4 മില്യണിലധികം ആളുകൾ ഇപ്പോൾ തന്നെ ഈ ദൃശ്യങ്ങൾ കണ്ടുകഴിഞ്ഞു. ക്ലിയർനോസ് സ്കേറ്റ് എന്നറിയപ്പെടുന്ന മത്സ്യമാണിതെന്ന് നാഷണൽ അക്വേറിയം വെബ്സൈറ്റ് വ്യക്തമാക്കി. തെക്കൻ ഫ്ലോറിഡയിലും മസാച്യുസെറ്റ്സിലും കാണപ്പെടുത്ത മത്സ്യമാണിതെന്നും അവർ വിശദീകരിച്ചു. കടൽവെള്ളത്തിൽ നിന്നും പുറത്തേക്കെടുത്തപ്പോൾ ചുരുണ്ടുകിടന്നതിനാലാണ് ഇതിന് വിചിത്രരൂപം കൈവന്നതെന്നാണ് ഇവരുടെ വിശദീകരണം.

English Summary: Fisherman catches mystery sea monster with 'three legs

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com