നോക്കി നടന്നില്ലേൽ ഇങ്ങനെയിരിക്കും; സിംഹരാജന് സംഭവിച്ചത്?

കാര്യം സിംഹരാജൻ കാട്ടിലെ രാജാവൊക്കെയാണെങ്കിലും നോക്കി നടന്നില്ലേൽ ദാ ഇങ്ങനെയിരിക്കും. ഏതോ മൃഗശാലയിൽ നിന്നു പകർത്തിയ സിംഹങ്ങളുടെ ദൃശ്യമാണ് ഇപ്പോൾ സമൂഹമാധ്യമങ്ങളിൽ ചിരിപടർത്തുന്നത്. മൃഗശാലയിൽ സിംഹങ്ങളെ പാർപ്പിച്ചിരിക്കുന്നതിനു സമീപമുള്ള കനാലിനരികിലൂടെ നടക്കുകയായിരുന്നു രണ്ട് സിംഹങ്ങൾ. മുന്നിലായി നടന്ന സിംഹം മുകളിലേക്ക് നോക്കി നടന്ന വഴിക്ക് കാലുതെറ്റി കനാലിലെ വെള്ളത്തിലേക്ക് വഴുതിവീണു.

വെള്ളത്തിൽ വീണ സിംഹം മെല്ലെ നീന്തി കരയ്ക്കു കയറുകയും ചെയ്തു. സിംഹത്തിനു പറ്റിയ അബദ്ധമാണ് ഇപ്പോൾ സമൂഹമാധ്യമങ്ങളിൽ ചിരിപടർത്തുന്നത്. ഐഎഫ്എസ് ഉദ്യോഗസ്ഥയായ സുധാ രമൺ ആണ് 2018ല്‍ ഇറങ്ങിയ രസകരമായ ഈ ദൃശ്യങ്ങൾ വീണ്ടും ട്വിറ്ററിലൂടെ പങ്കുവച്ചത്.

English Summary: Lion falls into the water in zoo