തടാകക്കരയിൽ വെള്ളം കുടിക്കാനെത്തിയ മാനിന് സംഭവിച്ചത്; ഭയപ്പെടുത്തുന്ന ദൃശ്യം!

ജലാശയത്തിൽ പതുങ്ങിക്കിടന്ന് വെള്ളം കുടിക്കാനെത്തുന്ന ജീവികളെ ഇരയാക്കുന്നതാണ് മുതലകളുടെ പതിവ്, വെള്ളം കുടിക്കാനെത്തുന്ന മൃഗങ്ങളെ മാത്രമല്ല മറുകരയിലേക്ക് നീന്തിക്കടക്കുന്ന മൃഗങ്ങളേയും മുതലകൾ ആക്രമിച്ച് കീഴ്പെടുത്താറുണ്ട്. ഇത്തരത്തിൽ മാനിനെ ആക്രമിക്കുന്ന മുതലയുടെ ദൃശ്യമാണ് ഇപ്പോൾ സമൂഹമാധ്യമങ്ങളിൽ നിറയുന്നത്

തടാകക്കരയിൽ വെള്ളം കുടിക്കാനെത്തിയതായിരുന്നു മാൻ. വെള്ളത്തിൽ പതുങ്ങിക്കിടന്ന മുതല വെള്ളം കുടിച്ചുകൊണ്ടിരുന്ന മാനിനെ ആക്രമിച്ചത് പെട്ടെന്നായിരുന്നു. നിമിഷങ്ങൾക്കൊണ്ട് പിന്നിലേക്ക് ചാടിയ മാൻ തലനാരിഴയ്ക്കാണ് മുതലയുടെ പിടിയിൽ നിന്നും രക്ഷപെട്ടത്.മുതല വീണ്ടും അടുത്ത ഇരയെ കാത്ത് വെള്ളത്തിൽ പതുങ്ങിക്കിടക്കുന്നതും ദൃശ്യത്തിൽ വ്യക്തമാണ്. 2016 പകർത്തിയ ദൃശ്യം  വാട്സ് അണ്ടർ വാട്ടർ ട്വിറ്റർ പേജില്‍ പങ്കുവച്ചതോടെയാണ് വീണ്ടും ജനശ്രദ്ധനേടിയത്. നിരവധിയാളുകൾ ഇപ്പോൾ തന്നെ ദൃശ്യം കണ്ടുകഴിഞ്ഞു.