കൂട്ടുകാരനെ വെള്ളത്തിലേക്ക് ഉന്തിയിട്ട് ആനക്കുട്ടിയുടെ വികൃതി; ചിരിപടർത്തുന്ന ദൃശ്യം

വികൃതിയുടെ കാര്യത്തിൽ ആനക്കുട്ടികൾ എന്നും മുന്നിലാണ്. കൂട്ടു കൂടാനും കൂട്ടുകാർക്കൊപ്പം കളിക്കാനുമെല്ലാം ആനക്കുട്ടികൾ ഏറെയിഷ്ടമാണ്. ആനക്കുട്ടികളുടെ അത്തരമൊരു ദൃശ്യമാണ് ഇപ്പോൾ സമൂഹമാധ്യമങ്ങളിൽ ചിരിപടർത്തുന്നത്.

ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് ചിരിപടർത്തുന്ന ഈ ദൃശ്യം ട്വിറ്ററിലൂടെ പങ്കുവച്ചത്. സമീപത്തുകൂടി ഒഴുകുന്ന ജലാശയത്തിലേക്ക് നോക്കി നിന്ന ആനക്കുട്ടിയെ പിന്നിലൂടെയെത്തിയ മറ്റൊരു ആനക്കുട്ടി വെള്ളത്തിലേക്ക് ഉന്തിയിടുന്നതാണ് ദൃശ്യത്തിലുള്ളത്. ഉന്തിയിട്ടതിനു ശേഷം വെള്ളത്തിൽ കിടക്കുന്ന കൂട്ടുകാരനെ നോക്കാൻ ഓടിയെത്തുന്നതും ദൃശ്യത്തിൽ വ്യക്തമാണ്. 13 സെക്കൻഡ് ദൈർഘ്യമുള്ള വിഡിയോ ഇപ്പോൾ തന്നെ നിരവധിയാളുകൾ കണ്ടുകഴിഞ്ഞു.

English Summary: Mischievous baby elephant pushes friend in water