ADVERTISEMENT

വയനാട് തലപ്പുഴയിലെ ആദിവാസി യുവാവുമായി സൗഹൃദം സ്ഥാപിച്ചിരിക്കുകയാണ് രണ്ട് മൈനകൾ. കൈതകൊല്ലിതാഴെ കോളനിയിലെ സുരേഷ് ഗോപി എന്ന യുവാവുമായാണ് ചിന്നു, മിന്നു എന്ന് പേരിട്ടിരിക്കുന്ന മൈനകൾ കൂട്ട് കൂടിയിരിക്കുന്നത്. 

അപൂർവ സൗഹൃദത്തിന്റെ കഥയിൽ രണ്ട് മൈനകൾ  പ്രധാന കഥാപാത്രങ്ങളാണ്. സുരേഷ് ഗോപിയാണ് നായകൻ. രണ്ടു മാസം മുമ്പ് വിറകു ശേഖരിക്കുന്നതിനിടയിലാണ് അവശനിലയിൽ രണ്ട് മൈനക്കു ട്ടികൾ  സുരേഷ് ഗോപിയുടെ കണ്ണിൽപ്പെട്ടത്.  അവയെ വീട്ടിലേക്ക് കൂട്ടി പരിചരിച്ചു. 

ഇപ്പോൾ സുരേഷ് പോകുന്നയിടത്തെല്ലാം മൈനകളും കൂടെ വരും. തോളത്തും തലയിലുമിരിക്കും. ഒഴിവു സമയത്ത് പാടത്തും പറമ്പത്തും കിളികളുമായി സവാരിക്കിറങ്ങും. മിന്നു ചിന്നു എന്നാണ് വിളിപ്പേരുകൾ.വീട്ടിലുള്ളവരുടെയും കോളനിയിലുള്ളവരുമായും നല്ല കൂട്ട്. എല്ലാവരുടെയും തലയിലും കയ്യ്കളിലും പറന്നു വന്നിരിക്കും. പ്രാവ്, ലവ് ബേർഡ്‌സ് എന്നിവയെയും സുരേഷ് വളർത്തുണ്ട്. ഇവയുടെയും പ്രിയ കൂട്ടുകാരാണ് ചിന്നുവും മിന്നുവും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com