മുതലയുടെ പിടിയിൽ നിന്ന് തലനാരിഴയ്ക്ക് രക്ഷപെട്ട സിംഹം; ദൃശ്യം

മുതലയുടെ പിടിയിൽ നിന്നും തലനാരിഴയ്ക്ക് രക്ഷപെട്ട സിംഹത്തിന്റെ ദൃശ്യം കൗതുകമാകുന്നു. സൗത്ത് ആഫ്രിക്കയിലെ സാബി നദി കടകകുന്നതിനിടയിലാണ് മുതല സിംഹത്തിന്റെ പിന്നാലെയെത്തിയത്. നദി നീന്തിക്കടക്കുന്ന സിംഹത്തിന്റെ സമീപത്തേക്ക് നീന്തിയെത്തിയ കൂറ്റൻ മുതല കടിക്കാനാഞ്ഞതും സിംഹം വഴുതിമാറി രക്ഷപെടുകയായിരുന്നു. പെട്ടെന്നു തന്നെ മറുവശത്തേക്ക് നീന്തി സിംഹം കരയിലേക്ക് കയറി കാട്ടിലേക്ക് മടങ്ങി.

തലനാരിഴയ്ക്കാണ് സിംഹം മുതലയുടെ പിടിയിൽ നിന്നും രക്ഷപെട്ടത്. ഡാർക്ക് സൈഡ് ഓഫ് നേച്ചറിന്റെ ട്വിറ്റർ പേജിലാണ് ദൃശ്യം പങ്കുവച്ചത്. ഒരു ലക്ഷത്തിലധികം ആളുകൾ ഇപ്പോൾ തന്നെ ഈ ദൃശ്യം കണ്ടുകഴിഞ്ഞു. 

English Summary: Lion manages to slip away from a crocodile attack