ADVERTISEMENT

മറ്റ് ജീവികളിൽ നിന്നെല്ലാം ഏറെ വ്യത്യസ്തമാണ് ജിറാഫിന്റെ നീണ്ട കഴുത്ത്. വലിയ മരത്തിന്റെ ശിഖരങ്ങളിൽ നിന്ന് അനായാസേന ഇലകൾ ഭക്ഷിക്കാൻ ഈ കഴുത്താണ് ജിറാഫിനെ സഹായിക്കുന്നത്. മറ്റ് മൃഗങ്ങൾക്ക് വലിയ മരത്തിൽ നിന്ന് ഇലകളൊന്നും കഴിക്കാന്‍ കഴിയാറില്ല. എന്നാൽ ഇവയ്ക്കെല്ലാം തറനിരപ്പിൽ നിന്ന് അധികം ഉയത്തിലല്ലാതെ വളരുന്ന പുല്ലുകൾ അനായാസേന ഭക്ഷിക്കാൻ സാധിക്കും. എന്നാൽ തറനിരപ്പിലുള്ള പുല്ല് ജിറാഫുകൾ എങ്ങനെ ഭക്ഷിക്കും?

ഈ ചോദ്യത്തിന് ഉത്തരമാണ് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്ന ഈ വിഡിയോ. ജിറാഫ് തറയിൽ നിന്ന് പുല്ല് തിന്നുന്ന വിഡിയോ ട്വിറ്ററിലൂടെ പങ്കുവച്ചത് ഡാനിയേൽ ഹോളണ്ടാണ്. 9 മില്യണിലധികം ആളുകളാണ് ഇതുവരെ ഈ ദൃശ്യം കണ്ടത്. മുൻകാലുകൾ വശങ്ങളിലേക്ക് നീക്കിയാണ് താഴെയുള്ള പുല്ല് ജിറാഫ് ഭക്ഷിക്കുന്നത്. വായിൽ പുല്ല് കടിച്ചെടുത്ത് കാലുകൾ പൂർവസ്ഥിതിയിലാക്കിയ ശേഷമാണ് ഇവ പുല്ല് തിന്നുന്നത്.

ജിറാഫ് പുല്ലു തിന്നുന്ന 7 സെക്കൻഡ് ദൈർഘ്യമുള്ള ദൃശ്യം തിങ്കളാഴ്ചയാണ് ഡാനിയേൽ ട്വിറ്ററിൽ പങ്കുവച്ചത്. ഇതിനു പിന്നാലെ ജിറാഫ് വെള്ളം കുടിക്കുന്നതിന്റെയും ഉറങ്ങുന്നതിന്റെയുമൊക്കെ ചിത്രങ്ങളും വിഡിയോയുമൊക്കെയാണ് സമൂഹമാധ്യമങ്ങളിൽ വ്യാപകമായി പ്രചരിക്കുന്നത്.

English Summary: Over 9 Million Views For Hilarious Video Showing How A Giraffe Eats Grass

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com