ഇണയ്ക്കായി വിഷപ്പാമ്പുകളുടെ പൊരിഞ്ഞ പോരാട്ടം, നീണ്ടു നിന്നത് ഒരു മണിക്കൂർ, ഒടുവിൽ?

Two Huge Venomous Snakes Fighting each other for the right to mate
SHARE

ഇണയ്ക്കായി പോരാടുന്ന വിഷപ്പാമ്പുകളുടെ ദൃശ്യം കൗതുകമാകുന്നു. ഓസ്ട്രേലിയയിലെ മുറേ ഡാർലിങ് ബേസിനിലുള്ള സ്കോട്ടിയ വന്യജീവി സങ്കേതത്തില്‍ നിന്നു പകർത്തിയതാണ് ഈ ദൃശ്യം. ഓസ്ട്രേലിയൻ വൈൽഡ്‌ലൈഫ് കൺസർവൻസിയാണ് ഈ ദൃശ്യം ഫേസ്ബുക്കിലൂടെ പങ്കുവച്ചത്.

ഓസ്ട്രേലിയയിൽ ധാരാളമായി കാണപ്പെടുന്ന വിഷപ്പാമ്പുകളാണ് മുൾഗ പാമ്പുകൾ. വസന്തകാലത്തിന്റെ തുടക്കം ഇവയുടെ ഇണചേരൽ സമയമാണ്. ഈ സമയത്ത് ആൺ പാമ്പുകൾ തമ്മിലുള്ള പോരാട്ടം സാധാരണമാണ്. സമീപത്തുള്ള പെൺ പാമ്പുമായി ഇണചേരാനാണ് വാശിയേറിയ ഈ പോരാട്ടം നടക്കുന്നത്. പോരാട്ടത്തിൽ വിജയിക്കുന്ന ആൺ പാമ്പിന് മാത്രമേ പെൺ പാമ്പുമായി ഇണചേരാൻ കഴിയൂ. പരാജയപ്പെട്ട പാമ്പ് അതിർത്തി കടന്നു പോകണം. മിക്ക പാമ്പുകൾക്കിടയിലും ഈ പോരാട്ടം സാധാരണമാണ്.

Two Huge Venomous Snakes Fighting each other for the right to mate

ഒറ്റനോട്ടത്തിൽ ഇണചേരുകയാണെന്നു തോന്നുമെങ്കിലും ദൃശ്യത്തിലെ പാമ്പുകൾ തമ്മിൽ വാശിയേറിയ പോരാട്ടമാണ് നടക്കുന്നത്. ശരീരം ചുറ്റിപപ്പിണഞ്ഞ് പാമ്പുകൾ പാമ്പുകൾ പരസ്പരം കീഴ്പെടുത്താൻ ശ്രമിക്കുന്നത് കാണാം. ഏകദേശം ഒരുമണിക്കൂറോളം ഈ പോരാട്ടം നീണ്ടുനിന്നെന്ന് ദൃശ്യം പകർത്തിയ പരിസ്ഥിതി ശാസ്ത്രജ്ഞയായ ടാലി മൊയ്‌ലെ വ്യക്തമാക്കി. ഇണയുടെ മേൽ ആധിപത്യം ഉറപ്പിക്കാനാണ് ഇവയുടെ പോരാട്ടം. പതിവുപോലെ ഇവിടെയും വിജയിച്ച പാമ്പ് ഒടുവിൽ ഇണയ്ക്കൊപ്പം ചേരുകയും പരാജിതൻ സ്ഥലം വിടുകയും ചെയ്തു.

English Summary: Two Huge Venomous Snakes Fighting each other for the right to mate

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WILD LIFE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA