പത്തടിയോളം നീളമുള്ള കൂറ്റന്‍ മുതല; പതുങ്ങിയിരുന്നത് കാറിനടിയിൽ, വിഡിയോ!

കെട്ടിടത്തിനു സമീപം പാർക്കു ചെയ്തിരുന്ന കാറിനടിയിൽ പതുങ്ങിയിരുന്നത് കൂറ്റൻ മുതല. ഫ്ലോറിഡയിലെ ഹിൽസ്ബറോ കൗണ്ടിയിലാണ് സംഭവം നടന്നത്. മുതലയെ കണ്ടെത്തിയെന്ന വിവരം ലഭിച്ചതിനെ തുടർന്ന് ഇവിടെയെത്തിയ വിദഗ്ധരാണ് മുതലയെ കാറിനടിയിൽ നിന്നും നീക്കം ചെയ്തത്.

മുതലയുടെ വായ ടേപ് ഉപയോഗിച്ച് ചുറ്റിയ ശേഷമാണ് മുതലയെ പൊക്കിയെടുത്ത് വാഹനത്തിലേക്ക് കയറ്റിയത്. മുതലയെ പിന്നീട് സമീപത്തുള്ള മുതല ഫാമിലേക്ക് മാറ്റിയതായി അധികൃതർ വ്യക്തമാക്കി. ഹിൽസ്ബറോ കൗണ്ടി ഷെരീഫ് ഓഫിസാണ് മുതലയെ പിടികൂടുന്ന ദൃശ്യം സമൂഹമാധ്യമങ്ങളിലൂടെ പങ്കുവച്ചത്.

English Summary: 10-foot long alligator found under a car in Florida