അടുക്കളയിൽ പതുങ്ങിയിരുന്നത് 10 അടിയോളം നീളമുള്ള മൂർഖൻ പാമ്പ്; ഭയന്നുവിറച്ച് കുടുംബം!
Mail This Article
അടുക്കളയിൽ പതുങ്ങിയിരുന്നത് പത്തടിയോളം നീളമുള്ള മൂർഖൻ പാമ്പ്. തെക്കൻ തായ്‌ലൻഡിലെ ഫത്താലങ് പ്രവിശ്യയിലാണ് സംഭവം നടന്നത്. അടുക്കളയുടെ കോണിൽ പാത്രങ്ങൾ അടുക്കിയതിന്റെ അടിയിലായാണ് വിഷപ്പാമ്പ് പതുങ്ങിയിരുന്നത്. കൃഷിക്കാരനായ സുജിത് തവീസക്കിന്റെ വീടിനുള്ളിലാണ് പാമ്പ് കയറിയത്. വീടിനു പിന്നിലൂടെ പാമ്പ് ഇഴഞ്ഞു നീങ്ങുന്നത് ഇയാൾ കണ്ടിരുന്നു. പാമ്പ് അടുത്ത പറമ്പിലേക്ക് ഇഴഞ്ഞു പോയെന്നാൾ സുജിത് കരുതിയത്. എന്നാൽ അടുക്കളയിലെത്തിയപ്പോൾ കണ്ടത് പാത്രങ്ങൾക്കിടയിലേക്ക് ഇഴഞ്ഞു നീങ്ങുന്ന പാമ്പിനെയാണ്.
പേടിച്ചരണ്ട കടുംബാംഗങ്ങൾ ഉടൻതന്നെ പാമ്പു പിടുത്ത വിദഗ്ധരെ വിവരമറിയിച്ചു. വീട്ടിലെ വളർത്തുമൃഗങ്ങളെ ലക്ഷ്യമാക്കിയാകാം പാമ്പ് വീടിനുള്ളിലേക്കെത്തിയ തെന്നാണ് നിഗമനം. ഇയാൾ നായകളെയും പൂച്ചകളെയും താറാവുകളെയും വളർത്തുന്നുണ്ട്. വിവരമറിഞ്ഞെത്തിയ പാമ്പു പിടുത്തക്കാർ ഏറെനേരത്തെ പരിശ്രമത്തിനൊടുവിലാണ് പാമ്പിനെ പിടികൂടിയത്.
അടുക്കളുടെ ഇരുണ്ട മൂലയിൽ പാത്രങ്ങൾക്കിടയിൽ പതുങ്ങിയ പാമ്പിനെ പിടികൂടാൻ ഇവർക്ക് അരമണിക്കൂറോളം വേണ്ടിവന്നു. പാമ്പിനെ പിടിക്കുന്ന പ്രത്യേക ഉപകരണമുപയോഗിച്ച് വലിച്ചു പുറത്തേക്കിടുകയായിരുന്നു. പിന്നീടിതിനെ ചാക്കിലാക്കി ദൂരെയുള്ള വനത്തിൽ കൊണ്ടുപോയി സ്വതന്ത്രമാക്കിയതായി ഇവർ വ്യക്തമാക്കി.
English Summary: Cobra caught hiding in family’s kitchen in southern Thailand
