ഗമയിലും ഗൗരവത്തിലും ‘ഡ്യൂട്ടി’; ട്രിപ്പിൾ ലോക്ഡൗണിൽ പൊലീസിനൊപ്പം തെരുവുനായ!
Mail This Article
ട്രിപ്പിൾ ലോക്ഡൗണുമായി ബന്ധപ്പെട്ട് മലപ്പുറം–പാലക്കാട് ജില്ലാ അതിർത്തിയായ പുലാമന്തോൾ പാലത്തിൽ വാഹന പരിശോധനയ്ക്ക് പൊലീസിനൊപ്പം ഒരു നായയുമുണ്ട്. കാണുന്നവർക്ക് പൊലീസ് നായയാണെന്ന് തോന്നും. അത്രയ്ക്ക് ഗമയിലും ഗൗരവത്തിലുമാണ് ‘ഡ്യൂട്ടി’ ചെയ്യുന്നത്. പൊലീസ് ഡ്യൂട്ടി തുടങ്ങിയ ദിവസം വിശന്നുവലഞ്ഞെത്തിയ ഈ തെരുവുനായയ്ക്ക് ഭക്ഷണം നൽകിയിരുന്നു. ഇതോടെയാണ് പൊലീസിനൊപ്പം കൂടിയത്.
പൊലീസ് റോഡിൽ വാഹനം തടയുമ്പോൾ നായയുമെത്തും. പൊലീസ് നടന്നാൽ നടക്കും, നിന്നാൽ നിൽക്കും. പൊലീസുദ്യോഗസ്ഥർ ആരായാലും ഡ്യൂട്ടിക്ക് നായ റെഡി. രാവിലെ 6 മുതൽ രാത്രി 8 വരെയാണ് പൊലീസുകാർക്ക് ഡ്യൂട്ടി. പൊലീസ് എത്തുമ്പോഴേക്കും നായയും തയാറായിട്ടുണ്ടാകും. 10 ദിവസത്തോളമായി ഈ പതിവ് തുടങ്ങിയിട്ട്. മഴ പെയ്താൽ പൊലീസിനായി തയാറാക്കിയ ഷെഡിൽ കയറി നിൽക്കുയാണ് പതിവ്.
English Summary: Stray Dog helps Police in Malappuram