പ്രാവുകൾക്കും കാക്കകൾക്കും നിത്യേന ഭക്ഷണം; അന്നം വിളമ്പുന്ന രാജൻ

ആലുവ മണപ്പുറത്തെ പ്രാവുകൾക്കും കാക്കകൾക്കും നിത്യേന തീറ്റ നൽകി വയോധികൻ. മണപ്പുറത്ത് ചെറിയൊരു കട നടത്തുന്ന നടരാജനാണ് ലോക്ഡൗണിൽ ധാന്യങ്ങൾ കിട്ടാതായ പ്രാവുകൾക്കും കാക്കകൾക്കും അത്താണിയായത്. 

കോവിഡിനു മുൻപ് ദിവസവും നിരവധി പേർ ബലിതർപ്പണത്തിന് എത്തിയിരുന്ന ഇടമായിരുന്നു ആലുവ ശിവക്ഷേത്രവും അതിനു സമീപത്തെ മണപ്പുറവും. എന്നാൽ ലോക്ഡൗൺ ആയതോടെ ബലിതർപ്പണങ്ങൾ മുടങ്ങി. പക്ഷികൾക്ക് നിത്യേന ധാന്യങ്ങൾ നൽകിയിരുന്ന വ്യക്തിയും വരാതായി. അപ്പോഴാണ് ആലപ്പുഴ സ്വദേശിയായ നടരാജൻ ആ പതിവ് ഏറ്റെടുത്തത്. 

ക്ഷേത്ര പൂജാരിമാർ നൽകുന്ന ചോറും ധാന്യങ്ങൾക്കുമൊപ്പം ചില ഭക്തജനങ്ങളും പക്ഷികൾക്കുള്ള തീറ്റ നടരാജനെ ഏൽപ്പിക്കാറുണ്ട്. ക്ഷേത്രത്തിൽ കുടിയിരിക്കുന്ന പരമശിവൻ സംഹാരമൂർത്തിയാണെങ്കിലും അതേ നാമധാരിയായി നടരാജൻ പക്ഷേ, പ്രാവുകൾക്കും കാക്കകൾക്കും അന്നദാതാവാണ്.

English Summary: Rajan Feeding Pigeons and crows