തീറ്റതേടുന്നതിനിടെ പാർക്കിലെ കമ്പിവേലിയിൽ തലകുരുങ്ങി; ബെന്നാർഘട്ടയിൽ ജിറാഫിന് ദാരുണാന്ത്യം!

ബെംഗളൂരു ബെന്നാർഘട്ട ബയളോജിക്കൽ പാർക്കിൽ കമ്പിവേലിയിൽ തലകുരുങ്ങി ശ്വാസംമുട്ടി ജിറാഫ് ചത്തു. മൂന്നര വയസ്സുകാരൻ യദുനന്ദൻ എന്ന ആൺ ജിറാഫാണ് ചത്തത്. തീറ്റതേടുന്നതിനിടെയാണ് ജിറാഫിന്റെ കഴുത്ത് കമ്പിവേലിയിൽ കുരുങ്ങിയത്. ഉച്ചത്തിലുള്ള അലർച്ച കേട്ട് പാർക്കിലെ വെറ്ററിനറി ഡോക്ടർ ഉൾപ്പെടെയുള്ള സംഘം എത്തി പ്രഥമശുശ്രൂഷ നൽകിയെങ്കിലും ജിറാഫിനെ രക്ഷിക്കാനായില്ല. 2020 ഏപ്രിലിലാണ് മൈസൂരു മൃഗശാലയിൽ നിന്ന് യദുനന്ദനെ ബെന്നാർഘട്ടയിലെത്തിച്ചത്. ബെന്നാർഘട്ടയിൽ ഗൗരി എന്ന 5 വയസ്സുകാരി ജിറാഫ് മാത്രമാണ് ഇനി അവശേഷിക്കുന്നത്.

English Summary: Giraffe Yadunandan Dies At Bannerghatta Park