'വ്യത്യസ്തനായ ഈ ബാർബറെ സത്യത്തിൽ നമ്മൾ തിരിച്ചറിഞ്ഞില്ല' ഇലോൺ മസ്‌കിന്റെ മുടിവെട്ടുന്ന ബാർബർ റോബോ! | Fact Check

ടെസ്‌ല സ്ഥാപകൻ ഇലോൺ മസ്‌കിന്റെ ഹെയർകട്ട് ഒരു റോബോട്ട് ചെയ്യുന്നതായി അവകാശപ്പെടുന്ന ഒരു ചിത്രം സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട് ഇത്തരം സാങ്കേതികവിദ്യ നിരവധി പ്രൊഫഷണലുകളുടെ ജോലി ഇല്ലാതാക്കാൻ പോകുന്നുവെന്ന സന്ദേശം ഇലോൺ മസ്‌ക് ലോകത്തിന് നൽകിയെന്ന അവകാശവാദത്തോടെയാണ് പോസ്റ്റുകൾ പ്രചരിക്കുന്നത്.

∙ അന്വേഷണം

വൈറൽ പോസ്റ്റിന്റെ ആധികാരികത പരിശോധിക്കാൻ, പ്രസക്തമായ കീവേഡുകൾ ഉപയോഗിച്ച് ഞങ്ങൾ തിരഞ്ഞപ്പോൾ ഇത്തരം പ്രവർത്തനങ്ങളിൽ ഇലോൺ മസ്‌ക് പങ്കെടുത്തതിനെക്കുറിച്ചുള്ള വിശ്വസനീയമായ വാർത്താ റിപ്പോർട്ടുകളൊന്നും ഞങ്ങൾക്ക് ലഭിച്ചില്ല.  ഇലോൺ മസ്‌കിന്റെ 'എക്‌സ്' പ്രൊഫൈലിൽ ഈ വിഡിയോ അപ്‌ലോഡ് ചെയ്‌തിട്ടുണ്ടോ എന്ന് പരിശോധിച്ചെങ്കിലും ഇത്തരമൊരു വിഡിയോ അവിടെയും കണ്ടെത്താനായില്ല. പിന്നീട് വൈറൽ ഫൂട്ടേജ് സൂക്ഷ്മമായി പരിശോധിച്ചപ്പോൾ ചില പൊരുത്തക്കേടുകൾ കണ്ടെത്താനായി. ഇത് വൈറൽ വിഡിയോ എഐ നിർമിതമാകാമെന്ന സൂചനകൾ നൽകി. 

ഉദാഹരണത്തിന്, റോബോട്ട് കത്രിക ഉപയോഗിച്ച് ഒരിക്കലും മുടി മുറിക്കില്ല, മാത്രമല്ല മസ്‌കിന് കൈകളിൽ ഒന്നിലധികം വിരലുകളുള്ളതുപോലെയും കാണപ്പെടുന്നുണ്ട്. ഇത് CGI/VFX സാങ്കേതിക വിദ്യ ഉപയോഗിച്ച് വൈറൽ വിഡിയോ സൃഷ്‌ടിച്ചതാകാമെന്ന സൂചന നൽകി. 

വൈറൽ വിഡിയോയെക്കുറിച്ച് കൂടുതലറിയാൻ, വിഡിയോയിൽ നിന്നുള്ള കുറച്ച് കീഫ്രെയിമുകൾ ഉപയോഗിച്ച് ഞങ്ങൾ ഇന്റർനെറ്റിൽ റിവേഴ്സ് ഇമേജ് തിരയൽ നടത്തി. സമാന വിഡിയോ ഉൾപ്പെട്ട ഒരു ഇൻസ്റ്റാഗ്രാം പോസ്റ്റ് ഞങ്ങൾക്ക് ലഭിച്ചു.പോസ്റ്റ് കാണാം.

Technophile (@aismartzone) പങ്കിട്ട ഈ പോസ്റ്റ് 2024 ഡിസംബർ 17-ന് 'aismartzone' എന്ന പേരിലുള്ള ഒരു പേജ് അപ്‌ലോഡ് ചെയ്‌തതാണ്. ഈ വിഡിയോ യഥാർത്ഥമല്ലെന്നും ഇത് ഒരു CGI വിഡിയോയാണെന്നും ഈ പോസ്റ്റിന്റെ വിവരണത്തിൽ സൂചിപ്പിച്ചിട്ടുണ്ട്. 

കൂടാതെ, 'aismartzone' പേജിൽ AI- ജനറേറ്റ് ചെയ്‌ത നിരവധി വിഡിയോകൾ ഞങ്ങൾ കണ്ടെത്തി.ലഭ്യമായ വിവരങ്ങളിൽ നിന്ന് പ്രചരിക്കുന്ന വിഡിയോ എഐ നിർമിതമാണെന്ന് വ്യക്തമായി.

∙ വസ്‌തുത

ഇലോൺ മസ്‌ക് ഒരു റോബോട്ടിൽ നിന്ന് ഹെയർകട്ട് ചെയ്യുന്നുവെന്ന അവകാശവാദത്തോടെ പ്രചരിക്കുന്ന വിഡിയോ എഐ നിർമിതമാണ്. 

( വ്യാജപ്രചാരണങ്ങൾ തടയാൻ രൂപീകരിച്ച ശക്തി കലക്ടീവിന്റെ ഭാഗമായി ഫാക്‌ട്‌ലി പ്രസിദ്ധീകരിച്ച ഫാക്ട്ചെക്കിൽ നിന്ന് )

English Summary:A video going viral claiming Elon Musk getting a haircut from a robot was created by AI