റോഡരികിൽ നിർത്തിയാലും രക്ഷയില്ല, സ്കൂട്ടറിനെ ഇടിച്ചു തെറിപ്പിച്ച് എസ്‌യുവി–വിഡിയോ

അശ്രദ്ധയാണ് അപകടങ്ങളുടെ പ്രധാന കാരണം. പലപ്പോഴും നമ്മുടെ അശ്രദ്ധയിൽ അപകടങ്ങളിൽ പെടുന്നത് റോഡിലെ മറ്റു യാത്രക്കാരായിരിക്കും. അതിന്റെ ഏറ്റവും പുതിയ ഉദാഹരണമാണീ വിഡിയോ. റോഡരികിൽ ആളെകയറ്റാൻ നിർത്തി‍ സ്കൂട്ടറിനെ ചെറു എസ്‍യുവി ഇടിച്ചു തെറിപ്പിക്കുന്നതാണ് വിഡിയോയിൽ.

കാറുകാരന്റെ അശ്രദ്ധയാണ് അപകടകാരണം എന്നു വിഡിയോ കാണുമ്പോൾ മനസിലാകും. റോഡരികിൽ നിർത്തിയിരുന്ന സ്കൂട്ടറിന്റെ പുറകിലാണ് കാർ വന്നിടിച്ചത്. സ്കൂട്ടറിലുണ്ടായിരുന്ന രണ്ടു പേരും തെറിച്ചു വീഴുന്നത് ദൃശ്യങ്ങളിൽ വ്യക്തമാണ്. സ്കൂട്ടർ ഓടിച്ചിരുന്നയാൾ ഹെൽമെറ്റും ധരിച്ചിരുന്നില്ല. അപകടം നടന്ന സ്ഥലമോ അപകടത്തിൽപെട്ടവർക്ക് ഗുരുതരമായി പരിക്കേറ്റോ എന്നതും വൃക്തമല്ല.