sections
MORE

കോവിഡ് പ്രതിരോധം: മുൻനിര പ്രവർത്തകർക്കായി ഹോട്ട്‌ലൈൻ നമ്പർ അവതരിപ്പിച്ച് ടാറ്റ

tata-motors
Tata Motors
SHARE

കോവിഡ് പ്രതിരോധത്തിലെ മുൻനിര പോരാളികൾക്കായി ഹോട്ട്‌ലൈൻ നമ്പർ അവതരിപ്പിച്ച് ടാറ്റ മോട്ടോഴ്സ്.  ആരോഗ്യമേഖലയിലെ പ്രൊഫഷണലുകൾക്കും  പോലീസ് ഉൾപ്പെടെ കോവിഡ്  പ്രതിരോധത്തിലെ മുൻനിര പ്രവർത്തകർക്കും ടാറ്റ സർവീസിനായി 18002095554 എന്ന പ്രത്യേക ഹോട്ട് ലൈൻ നമ്പർ ഉപയോഗപ്പെടുത്താം.  

മാർച്ച് 23 നും ജൂൺ 10 നും ഇടയിൽ മാത്രം കൊറോണ പ്രതിരോധത്തിൽ പങ്കാളികളായ അവശ്യ സേവന ദാതാക്കളുടേയും, മുൻ‌നിര ജീവനക്കാരുടേതുമടക്കം  225 ഉപഭോക്താക്കളുടെ വാഹനങ്ങൾക്ക് സേവനമെത്തിക്കാൻ കമ്പനിക്ക് സാധിച്ചിരുന്നു. ഇതിനോടൊപ്പം സർവീസ് സെന്ററുകളിൽ സുരക്ഷ വർദ്ധിപ്പിക്കുവാനും, ഉപഭോക്താക്കളുടെ വാഹനങ്ങൾ ശുചിയായി നിലനിർത്താനുമായി 'നോ ടച്ച് ബൈ ഹാൻഡ്' പദ്ധതിയും ടാറ്റ മോട്ടോർസ് അവതരിപ്പിച്ചു.  

സർവീസ് കേന്ദ്രങ്ങളിൽ പ്രവേശിക്കുന്ന വാഹനങ്ങളുടെ സ്റ്റിയറിംഗ് വീൽ, ഡ്രൈവർ സീറ്റ്, ഗിയർ നോബുകൾ തുടങ്ങി നേരിട്ട് സമ്പർക്കത്തിൽ വരുന്ന ഭാഗങ്ങളിൽ ബയോ-ഡീഗ്രേഡബിൾ-ഡിസ്പോസിബിൾ കവറുകൾ ഉപയോഗിച്ച് ആവരണം ചെയ്യുകയും സർവീസിന് ശേഷം ഡെലിവറി സമയത്ത് ഉപഭോക്താക്കൾക്ക് മുന്നിൽ അവ അഴിച്ചുമാറ്റുകയും ചെയ്യും.  

കോൺ‌ടാക്റ്റ്ലെസ് സേവനം അഭ്യർ‌ത്ഥിക്കുന്ന ഉപയോക്താക്കൾ‌ക്കായി, കമ്പനിയുടെ വർ‌ക്ക്‌ഷോപ്പുകളിൽ വാഹന പിക്കപ്പ്, ഡ്രോപ്പ് സൗകര്യങ്ങൾ ക്രമീകരിക്കുന്നുണ്ട്. ഉപഭോക്തൃ സേവന ആപ്ലിക്കേഷൻ വഴിയും എസ്എംഎസ്  വഴിയും അതിന്റെ സ്റ്റാറ്റസ് നൽകുകയും ചെയ്യുന്നു.  ശാരീരിക സമ്പർക്കം കുറയ്ക്കുന്നതിന് പേയ്‌മെന്റുകളും ഓൺലൈനിൽ സ്വീകരിക്കുന്നുണ്ട്.  

ലോക്ക് ഡൗൺ കാലഘട്ടത്തിൽ ഉയർന്ന വിൽപ്പനാനന്തര സേവനം ഉപഭോക്താക്കൾക്ക് ലഭ്യമാക്കാനായി മികച്ച പ്രവർത്തനങ്ങളാണ് ടാറ്റ മോട്ടോർസ് നടത്തുന്നത്. 2020 ജൂൺ 10 ലെ കണക്കനുസരിച്ച് 800 ൽ അധികം സെയിൽ‌സ് ടച്ച്‌പോയിന്റുകളും 653 വർ‌ക്ക്ഷോപ്പുകളിൽ‌ 520 ഉം പുതിയ സ്റ്റാൻ‌ഡേർഡ് ഓപ്പറേറ്റിംഗ് നടപടിക്രമങ്ങൾ‌ (എസ്‌ഒ‌പി) ഉപയോഗിച്ച് പ്രവർത്തനങ്ങൾ‌ ആരംഭിച്ചിട്ടുണ്ട്.  കൂടാതെ ദിവസങ്ങൾ നീണ്ടു നിൽക്കുന്ന അറ്റകുറ്റപ്പണികൾ ഒഴികെ സർവീസിനെത്തുന്ന വാഹനങ്ങൾ അതാത് ദിവസം ഡെലിവറി നൽകുന്ന രീതിയിലാണ് ക്രമീകരിച്ചിരിക്കുന്നത്.

English Summary: Tata Motors HelpLine

വാഹന സംബന്ധമായ സേവനങ്ങളെക്കുറിച്ച് അറിയാൻ, തിരയാംwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN AUTO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA